就以Type II凱夫拉纖維為例,請問刺刀能夠把它刺穿嗎?

只要速度夠快，動能夠大，生果刀都可以做到... ...唔好話防彈背心，兩吋鋼板都可以打穿。

回正題，睇下用刺刀個位幾多磅重、有無助跑、刀鋒尖唔尖、有無裝係槍上面、目標受唔受到力... ... ... ...(下略N種情況)

睇下個距離係幾遠, 近攻當然唔穿

如果玩小林飛刀遠攻, 就唔會啦

Bingo講既野完全正確，只有對現代及古代兵器一無所知既門外漢先會以為擋到子彈既避彈衣擋唔到刀劍。

以現代既眼光黎講，古代既箭矢只係慢動作武器。現代子彈飛行速度達幾百至上千米每秒，箭絕對無可能達到呢個速度。箭係靠人拉弓所儲蓄既位能變成動能而得到速度，而子彈係靠激烈既化學反應提供速度。人幾大力都好始終都體力有限，無可能同子彈既高能推進藥所提供既能量比較。

仲有，你以為避彈衣係紙紮既﹖唔識既門外漢番屋企煲多幾叠軍事雜誌先好出黎吹水。就算係大陸被全世界認為比較落後既避彈衣，都係用精鋼襯底，唔好話普通刀劍，連電鑽都唔知鑽唔鑽得爛。而世界上最先進既避彈衣唔係你係電視見到嗰啲比警察著既次貨，真正高級既避彈衣係用功夫龍或高硬度陶瓷製成。我唸樓上牙斬斬嗰條友都係未聽過呢兩樣野係咩黎。高硬度陶瓷本身係用係坦克既正面裝甲之上，係用黎硬食速度超過1,500m/s既敵軍穿甲彈，用係避彈衣上，你認為會有冷兵器可以穿透佢﹖功夫龍係美國係1970年代開發既一種靭性極高既物料，同樣係為左防止大威力自動武器子彈既穿透，依家美軍既步兵全身都有著住，基本上你要headshoot佢地或用炸彈炸到佢地粉身碎骨先至殺得死一個美軍，你仲唸住可以用刀劍傷人﹖

唔該睇睇標題先啦，而家係問Kevlar Type II，係一種主要抵擋9mm FMJ或.357的防護裝備。
求其話咩「以為避彈衣係紙紮」、「能量比較」... ...就可以解決樓主的問題。
(雖然以上只係引yahoo)

以Type II的主要可以抵擋目標9mm FMJ及.357
9mm FMJ重8g 彈速1,175 fps (358.14米)
.357重10g彈速1,395 fps

9mm FMJ而FMJ主要係為穿透性比.357強，但stopping power為弱。就以9mm黎講...前者可以打出不多於600焦耳(J)的能量，後者不多於1000焦耳(J)。

算式係：(質量 x 速度平方)/2 = J

9mm：(0.008 x 358.14^2)/2 = 513J
.357：（0.01 x 425.196^2)/2 = 903J

但一個士兵手執一支有刺刀的步槍連人槍共重200磅，手執步槍以每秒跑8米的速度將刺刀刺向目標，你估下比彈頭尖硬的刺刀的能量值有幾大?? 自己計下，多唔過3000焦耳；不過，因為攻速好慢如果目標係唔固定或者好輕，就可能唔可以將全部能量用係穿透上，否則應該前後面Type II 連人一齊穿晒。


刀劍一樣係咁計，條數唔會呃人，除非你知係岩，否則唔好隨便將yahoo啲「所謂知識」當係知識貼出黎...

可以

i think he is very ging ah ma .........

sorry ............

i think it could let him for 參考 ...........

really sorry .........

又唔洗咁...
學某人話齋「吹水者」，死唔得人，大家一齊吹一吹，未當學野lor。

至於YAHOO知識，都係算吧啦。
差不多十篇有一兩篇係問非所答或會者笑死人，有兩三篇講左等於無講，其餘因為抄足wiki....都唔可以點挑剔。所以唔好太信YAHOO... ...這是忠告。

yahoo    淪為偽知識學堂     因為比wiki更加既無責任制  
所以其可信性同真確性都好低  下次小心
有時連wiki都唔準  何況yahoo

打唔打得穿唔係淨睇有幾多能量，而係看「壓力」，只要枝針夠尖，唔洗幾多energy已經可以拮穿你，所以，把刀有幾尖已經係一大變數，把刀夠唔夠梗又係一大變數，拮落去既角度又係一大變數，結論就係唔拮過唔知