11號已經開始有陣痛,全日2-3個鐘痛一次。
12號既凌晨1點半訓教3點起身去厠所,4點50分懷疑
穿水即刻沖入厠所發現真係穿水,即刻煲水沖涼洗頭,再拍
下老公隻腳老公醒一醒,我話穿左水呀老公即刻彈起身換3
幫我執野,我就極速沖涼洗頭,洗完頭都5吹就落左街搭的
士啦,老公仲即刻買定包煙之後搭的士,老公同個司機講去
瑪麗趕住生仔,司機問行咩隧我地即刻話西隧,個司機冇啦
啦減速老公叫佢開快d但最緊要安全。
5點半到左瑪麗,檢查我已經開左2度,我已經痛到痴左線
,一痛就鬼剎甘嘈,醫生問我過5過產房催生,甘就唔洗甘
辛苦同唔洗痛甘耐,我諗都冇諗就簽名同意即刻催生,個姑
娘叫我無論如何點都要食少少粥,話去到產房係禁止飲食,
分分鐘要生十幾二十個鐘冇野落肚,話我唔食一定會後悔,
我根本痛到食唔到,甘姑娘就餵我食葉酸同胃藥之後就推我
入產房,7點半入左產房,老公10分鐘後先可以入黎陪我
,因為我要轉床吊鹽水,老公一直都陪住我幫我拎住文笑氣
果舊野。
9點到文笑氣已經冇用,我要求打止痛針,老公唔想我打針
,因為如果打針同bb出世既時間太近,bb就一定要打解
藥,但係老公見我太辛苦,就俾我打啦,打左針真係冇甘痛
加埋d笑氣我即刻覺得好眼訓,一覺得唔痛我就訓教,只係
感覺到我老公一直拖住我隻手。
12點姑娘叫我試下生,點知唔得,bb個頭仲係好入,我
只好再等,一痛老公就俾笑氣我文同俾隻手我渣住,其間有
個男醫生入左黎睇下我點,問我去5去到小便,我話去5到
,跟住佢就話幫我放尿睇下生5生到,點知都係5得。
1點幾個男醫生又幫我放多一次尿,之後產房有好多人,有
學生,姑娘,助產士,醫生,仲有醫生導師,成間房冇啦啦
有十幾人,老公問我洗唔洗叫d學生出去,我擰頭我淨係想
快d生到樂晴出黎,咩我都唔想理!!何況佢地都冇阻住我
,
2點正男醫生親自幫我接生,生左4個字都係唔得,男醫生
叫人準備去拎野幫我吸bb出黎,因為試過太多次都唔得,
我唔夠氣同唔夠力,bb心跳又唔係甘好,我拖得太耐啦,
再生唔到會對bb唔好,但係吸出黎會整親我同bb!我同
老公都唔想!!男醫生俾多最後一次機會我,有個助產士係
甘係我個胃到幫我推bb出黎,突然間我變得好大力,終於
見到個頭仔啦,全世界都叫我趁個肚仲痛快d吸啖氣再推,
bb個頭仔終於出左黎啦,姑娘即刻幫bb吸胎水,呢個時
間個個都話我好叻女,叫我加油差少少bb就可以出到黎啦
,但係我已經冇力啦,好彩老公係呢個時間抬住我個頭俾我
借力,最後一推bb出左黎啦!!
2點半,bb都未抹身就俾姑娘擺左係我個肚上面,成身血
林林架,bb個身仲係紫色架,之後再幫bb吸胎水,一吸
bb即刻喊,但係姑娘抱bb黎我同老公度bb又唔喊啦,
淨係眼仔碌碌甘望住我地,我係甘搞bb塊面仔,一陣bb
就俾人抱左去10樓觀察,而我就係9樓休息。因為我8個
鐘5可以落床所以冇得去睇bb,我要等聽日先可以抱我既
bb。
生樂晴真係好辛苦,但係我知道我已經好幸福。因為我唔洗
痛十幾個鐘先可以生到bb出黎,十個鐘算快啦。好多謝老
公全程陪住我*3*生完bb醫生都冇叫老公走反而仲俾老
公睇住我俾人拎胎盤出黎,老公仲驚我見到個胎盤用手遮住
我對眼,仲睇住我聯針,聯針同拎胎盤真係痛到我痴線,老
公一直都安撫我同俾我文笑氣,最後仲陪埋我休息。生左樂
晴既果一刻我覺得自己好幸福!!老公豬樂晴豬豬我愛你呀
*3*
bb重6磅8安
