分享下懷孕經過生仔後身體護理...希望幫到大家!!!
首先我自己係意外懷孕! 如果係有計劃建議去做下產前檢查!
知道有左就去私家睇醫生攞封轉介信, 睇下你想點生, 如果打算順產, 公立同私家醫院, 唔計價錢係冇任何分別! 除非你打算開刀啦....
我自己就係全套係廣華, 一次私家都未睇過, 就連ULTRASOUND都冇係出面做過一次...
如果可以最好去攸OSCAR 應該係11-14 WEEKS 先可以TEST 到 (如果錯左請更正!) 因為唔CHECK過真係唔係好安心, 雖則個RESULT 唔係100% GURANTEE 冇事! 我自己MISSED左, 有時都有D擔心, 雖則未係高0...但係唔怕一萬最怕萬一!!! 仲有記得夠 22WEEKS 可以照結構! (公立都會幫你照, 但要睇你好唔好彩, 因為佢地係有QUOTA, 最好第一次去產檢就問下佢有冇得BOOK~
基本上, 有左BB飲食要均衡, 唔好食過高糖份既野....孕婦一日只係需要比正常多300KCAL
我知道有左BB已經係2個月...果陣開始就冇飲過 COKE 同COFFEE...有試過偷飲奶茶!
但係其實飲紅茶同綠茶都唔好, 前者希咖啡因後者係涼, 去茶樓我都係飲黑茶...(寶利)
我自己一路都有食蝦蟹, 但係唔係食好多...唔會特登買黎食! 唔好食白菜...涼, 通菜香蕉會抽筋!! (不過我覺得係睇人, 我自己2樣都有食都冇事!)
海產就唔好食咁多, 因為怕佢唔乾淨, 一來你會肚痾, 二來有菌會直接影響到BB!
記得每日都飲鮮奶, 我果陣一晚一盒屋形維記高鈣低脂, 到左7個月就早晚都一盒! 因為BB真係會吸哂你D鈣!! 如果冇皮膚敏感可以食多D NUTS... 腰果, 合桃呢D都對BB有益!! 如果冇睇開中醫, 食開中藥, 就唔好亂食....唔好是但搵個中醫開安胎藥, 我生之前一個月就係飲左蓬蓮鬚...因為人地話呢隻野去胎毒, 飲左1次之後我就皮膚敏感, 攪到要睇西醫食藥....
有人話食西瓜好生D, 我自己就冇食, 只係食涼粉, 綠豆同埋即食蘆薈!
我阿嫂果陣唔夠氣生, 之後佢而家又有左, 就話我知 北奇+紅早+圓肉, 焗水飲, 可以補氣...我大既6, 7個月開始晚晚飲, 到我生果陣, 唔洗半個鐘就生左7磅半既囡囡, 仲係自己生, 唔洗吸..大家可以參考下, 不過記得有咩唔妥就即刻停唔好飲!!!
其實乜野食得唔食得, 睇你信D乜! 我自己信西醫多D, 如果準媽咪已經見詔醫生就知道, 西醫唔洗戒口! 我自己其實係冇食涼野, 因為老公真係唔比食, 但係凍野什至雪糕我都有食! 大熱天時, 有咩可能唔食唔飲凍野丫! 西醫角度話你知, 凍野可以令你腸胃唔舒服肚痛什至肚瀉, 而你大便果陣有機會令你子宮收絢, 影響到個BB.... 不過我只係分享個人經驗, 大家唔洗信我!
夠36WEEK, 大家可以執定走佬袋...
網褲 (3-6條)
產婦M巾 (1-2包 ) 唔洗買咁多, 主要係住院期間用
日用品...牙膏/刷, 毛巾, 拖鞋, 杯 (暖杯) 公立醫院適用
尿片, 沙巾
洗傷口樽
床墊到時問下...有D醫院有, 唔洗買...
餵人奶既媽媽, 要帶埋BREAST PAD...帶埋濕紙巾(專FOR餵人奶) 抹NIPPLE同手
如果有,需要帶埋自己既SKINCARE
帶埋你入院要既野, 醫生信, ID CARD, 有D醫院要上左堂先可以陪產, 就記得帶埋上堂個證明!
出院先叫屋企人帶你同埋BB既衫....基本上我冇帶錢入院...就連ID CARD 都係登記完就比返老公!
開始陣痛...
第一樣野係睇時間, 睇下幾點開始痛, 同埋隔幾耐痛一次
沖涼洗頭, 食餐好既先生
出發去醫院就記得用M巾 (因為我自己係先陣痛, 再見紅, 後穿水)
間間醫院程序唔同, 入到院就聽姑娘講....
行多D, 企多D, 官頸會好得快D, 可以就去坐下健體球 (但記得聽姑娘指示) 佢會舒緩到你陣痛同埋幫你官頸開快D! 陣痛記得要吸氣呼氣, 其實咩野止痛方法都係假, 最緊要係深呼吸!
記得成個產程只可以打2枝止痛針, 生之前2個鐘係唔可以打...要視乎自己需要! 好多時都係比你聞氣...但係我自己覺得冇咩用, 聞左反而暈暈地...同埋之後可能會嘔....
開始有便急就記得出聲, 如果未開哂都要忍, 都係KEEP住深呼吸....
可以就唔好大嗌, 留氣留力, 入左產房先, 入到產房就記得聽D姑娘講....大淡吸氣盲後出力!
記住出力果陣要 "手拉腳撐".....老公陪產其實佢幫唔到D咩野, 就連入去想捉住佢隻手都唔可以! 不過生仔咁辛苦, 老公係隔離精神上支持都係好事!!
BB出世...
順產的話, 生完6個鐘要小便, 如果吸過氣唔可以一次過飲太多水, 要分開, 慢慢飲, 唔係會嘔...
其實第一次小便好辛苦...麻醉藥開始過, 你會FEEL到個傷口好痛, 我都差D去唔到....同埋飲得太多水都唔一定就會去到, 記住要放鬆! 果陣我同自己講, 生BB咁辛苦都冇問題, 只係小個便....慢慢就去到!
去完記得要洗傷口, 通常你第一次去完, 因為你未落得床, 都會用尿兜去SHSH, 之後有人幫你沖洗傷口! 第一次落床, 先坐定個人, 再慢慢企起身, 唔係好易會暈!!!
大便...
記得生完唔好死谷, 因為個會陰傷口好近肛門, 如果你死谷, 可能會整爆個傷口, 如果有便意...就去坐下, 冇都唔好夾硬, 食多D菜...食橙, 飲西梅汁, 都可以幫你, 真係冇便便都唔緊要, 有屁放就OK, 我都係第3日返到屋企先去到便便....
大便果陣, 個身盡量各前傾...對腳盡可能唔好張太大...放鬆個人, 我自己覺得咁樣會比較容易去!
貧血...
好多媽媽生完都會有呢個情況, 一舨你出院果陣都係好鐵丸你食, 食左D 便便會變黑...記得要飲多D水食多D菜就OK...但我本人情況就非常嚴重, 醫生叫我輸血...但果D始終係人地既血, 有機會感染到其他病...媽媽睇返自己當時身體狀況再自己決定輸唔輸啦!
出院。。
記得第一時間打去健康院BOOK...仲有係預約攞出世紙!
坐月...
講到最後提下大家, 有傷口唔好食彊! 老人家好多都會話生完食彊飯...其實醫生都會話你知有傷口唔好食! 唔好咁急食補品, 最好等惡露轉啡先開始補! 如果一開始就係咁補...惡露有排都唔完...同埋唔好咁快食彊醋, 最好都等12朝先好食, 始終傷口未好...見傷口冇咁痛就做下會陰運動, 記得唔可以 "MUL"低身, 盡量唔好彎腰...
記得要KEEP住用清水洗傷口, 我自己就每次去洗手間都會換M巾同埋洗傷口...傷口要洗到惡露停哂為止!
希望幫到大家! 以上內容都係我個人既經驗, 只係比大家參考, 如果認為有錯既地方, 大家千祈唔好學!!!
