點解 D人成日話快門仲有幾多次..姐係咩意思呢-.-?
用哂D次數..部機就唔要得?
希望有人解答我既問題喇  THANKS!!

機器總有壽命﹐機械零件會有磨損。
slr 之中﹐快門簾係一個磨損得比較大o既部份﹐因為佢o既運作速度極高。
廠方會對快門系統測試﹐得出一個平均數﹐大約運作 n 次就會失靈。
事實上﹐使用環境同習慣都好有影響﹐過o左 n 次未必會有事﹐未過亦唔代表一定無事。

講真﹐要影就影﹐邊有得計住計住。
係唔係都開機槍就係自己問題﹐壞o左都無o野好講。
壞o左可以換﹐不過人工 + 零件都唔平﹐如果係入門機﹐基本上換抵過整。

呢個數字都有意思o既﹐當你有一個好重要o既場合而部機快過甚至已過設計壽限﹐咁就可以要 chack 機﹐或者多帶一部 spare。

相片o既 exif 會有記錄﹐你搵個睇 exif o既 software 就睇到。
設計壽限可以去廠方搵﹐上網都好易 search 到。