故事(長)係咁:
我住天水圍. 2008年10月尾帶狗狗去元朗東X獸醫度打瘋狗針同申請埋個狗牌.
獸醫診所今年一月中call我話個狗牌已經到可以去. 咁我大約廿號左右就去啦!去到時候, 一望個狗牌, 所有資料都正確. 唯獨狗狗的晶片號碼有問題
個晶片號碼有一行係漁農署印出, 晶片號碼下面就有一張貼上去有條碼number. 兩組號碼竟然有一個數目字係唔一樣! 咁我就問姑娘: “唔係supposed 係一樣咩?”. 姑娘都話應該係一樣, 仲話幫我問返漁農署.
直至上個星期尾, 我忽然間醒起獸醫診所仲未打卑我. 咁我就打去問啦. 一問, 個姑娘話OK, 地址資料更正? 我就問佢上次係兩組晶片號碼唔一樣喎. 佢話都已經改.
咁我前晚放工就又突登去元朗啦. 去到一睇, 真係火都. 漁農署印個晶片號碼卑人用鉛筆"叉”, 旁邊冇漁農署chop,亦都冇人initial. 反而我個地址“BLK 3” 就改做"Tower3”. 旁邊有個漁農署chop.
我: “上次咪話係晶片號碼問題law, 點解冇改到?”
個姑娘左問右問之後答: “啦, 漁農署個紀錄係條碼個”,
我: “但係就咁用鉛筆"叉”就得? 點解個地址旁邊有個漁農署chop?”
姑娘: “啦,你唔放心我地聽日叫漁農署人call你”
我諗: “咁你地診所人自己打卑我扮漁農署都得”
我:“唔洗喇, 我自己打得喇
尋日朝一早就打1823啦, 答案係唔得,如果有改,冇可動就咁用鉛筆 "叉”就得, 一定要有漁農署chop. 等咁耐, 結果係我要自己去漁農署搞返佢.
十分不滿:
1.我唔打去診所佢地都唔知會唔會再call 我
2.我第一次去時候都冇話到個地址有錯, 佢就偏偏同我改
3.一都唔make sense, 任何文件有改都冇理由可以用鉛筆 "叉就得, 唔通阿媽生得我個樣特別蠢? 佢地咁講我都會信?

咁樓主將來就千祈唔好將狗狗交比佢地醫啦!如果唔係好狗都比佢地醫壞呀!