我好想學日文..對日本o既文化都好有興趣

日文(寫) 日語(講)
想問:
想學日文要從邊方面開始?! 日文?! 定日語?!
o係咪識日語,, 唔一定會識日文?!
日語難唔難學?!
要學得好.. 要幾耐?!

我真係好想學日文... 唔該

要學得好, 其實好睇下你有冇心機學
我除左學校有得學之外, 仲會成日煲日劇, 發覺睇日劇同唔睇分別好大..
有d 同學唔睇, listening 真係差好多
仲有個人認為日文非常容易.. 係college 開始讀, 而家大學第2年major啦
中國人學著數好多

無論學邊方面先，五十音都係最基本...
跟住就係背生字同埋學文法...
否則人地一堆日文咁講，即使你可以知道邊個音打邊個音，你都唔知點樣分開人地d詞語...

識日語唔識日文..即係識聽識講唔識寫?
香港人既話應該都唔會有呢d情況出現..單字可能會係咁，但句子就一定唔會。

聽人講日文最難係文法，不過我只係初學，所以未體驗到
想學就去學呀~

喔...那我都有問題想請教各位了

有邊度的日文班大家覺得有用喔

本人零經驗...求經驗人士or在學者指教...

其實日文本身既發音唔算難學，加起上黎都只係得71個音，有心去記真係好易，而生字都有好多我地本身就認識既漢字，對於學習外語黎講算做有d優勢。不過我覺得學日文難在文法方面，因為個結構同中文好唔同。就形容詞黎講，日文就有2種主要分類，基於表達既意思有所不同，同一個形容詞就有多於一個、甚至多個變化，而呢d都只係最基本既知識，更為深入既亦唔係三言兩語可以講到。(我都係學左1年多 ，體會到初步既難處~~~)

  我係旺角學日文既，間日文中心叫一橋日本語言中心，你有時間可以上去佢個網www.hito.com.hk 度睇下 or 打3904-3205問下佢地關於初班既野啦

我仲想問呢..

去學日文.. 普通既日本語言中心
大約幾錢
多數o係逐月交錢上堂?!.. 定o係一個課程交錢上堂架?!

其實多數都係月學費既，除左d一年制個d course，一收就半年or一年。我就緊係覺得月學費好d啦，因為唔使一次比咁多錢 ，同埋要唔讀都易走d，可以試下先麻~~。
而我讀緊個度就$486一個月，唔知你覺得貴唔貴啦，我知道其他日本語言中心都係差唔多價錢，不過一班既人數就會有差別lor，有d就1x~2x個人一班，有d就5~7個人，你最好問清楚啦~~~咁人小d就點都好好多既，而且有d中心就會包埋教材,,你都應該問埋人地。
  你出去學就一定要錢，讀初班最好預番4~5百蚊一個月(每星期一堂個種)，如果你已經出左黎做野咁我諗都唔會係太大負擔，如果你重係學生就要同屋企人傾下，睇下佢地支唔支持你啦 。不過最緊要都係要睇番你有冇決心，有既話就點都可以達成自己既目標既~! 加油~~
  如果你有d咩問題想問既可以add埋我msn. yutaka00hotmail.com