首先講講我自己先,
我參與過/學過好多唔同既會(教會),團體,同埋一D少少既主流/非主流事物
我參加過台灣佛教團體主辦既7日齊期法會(剃頭果隻,試過下就算.....自問呢世都唔會再去,一D都唔enjoy)
我參與過道教一d關於養生,氣功同埋自修既課程(都幾好玩,佢地都唔會特登嗌人信佢地個宗教,只會用佢地既理論去叫人點做人,等人生活得正面,積極d)
我跟過一個內地中醫院院長學過道家氣功,中醫氣功,醫理同埋穴位療法(果位院長已經移民去左美國,姓張)
我跟我呀媽學左好多年太極(我呀媽係青xxx學會既幹事同師傅)
我係太子道果間聖xxx大教堂受過洗(好細個果陣,好憎去果度,成日都知去黎做咩,我呀爺呀嫲成日帶我去)
我有番過幾間教會(樂富附近幾大間果間,官塘康寧道姓潘牧師果間,我細佬以前gf帶我去佢番開果間,同埋我有個客帶過我去一間好多藝人去開果間,基本上我好唔鍾意番教會,好似去左聽傳銷講座咁)
我好細個就跟左人地上一貫道既佛堂好多年(唔好講跟咩人上,我跟本唔信,超低能,勁攪笑,上面d人好似中晒毒,白痴一樣,我平時新年先番一次,志在番去攞利是同食餐免費飯)
我有跟過一個神功師傅學神功(我平時唔會拜神,冇過刀,冇食香,但係學寫符同一d實用野,超得!自問我拎神功加氣功愛黎急救流蚊飯一流,我剪親手指,個傷口見晒骨好似開邊蒸矮瓜咁都即時止左血,我細佬剪頭髮比人剪左耳仔一忽,流到吧吧聲又係即刻攪掂!我自問唔多信呢d野,我信我師傅,佢人品唔錯,對我好好(註:我未比過錢佢,))
其他仲有學過好多野,例如boxing,泰拳,跆拳道,wakeboard,風帆,等等.......
