先要唔該奧賣葛...我會用埋你幅圖條link...
因為預計有好多朋友都無玩ｆａｃｅ ｂｏｏｋ既．．．抱歉要佔用呢度既版面．．．
～資訊～
集合地點：荔枝角長沙灣徑（近荔枝角地鐵站ａ出口，到時會有義工人員指示集合場地）
日期／時間：２月１５日 １１：３０集合（可以早ｄ黎就更好，方便控制人流）
~首先要講講當日集會既安排~
整條長沙灣徑係會比我地作為集合之用...
會安掛到人手於地鐵站口至長裕街之間作指引之用...
搭地鐵既朋友仔只要大家係a出口向右行就會見到架啦...
除左長沙灣道...仲有荔枝角道同埋長裕街入口...
希望到時朋友仔們可以考慮使用荔枝角道入口...因為唔駛迫哂埋一個入口度...
時間已經落實係11:30開始個集會...12:00起步
請各位可以早過11:30黎更加好...
留意:長沙灣徑向長沙灣道一個出口會有糾察人員封閉...為免人流既混亂...當日暫時不能夠由長沙灣徑轉出長沙灣道既...請大家留意番...
<---地圖果點就係架啦
~關於終點~
會定於界限街大坑東街交界位果個燈位之間靠右既一大段界限街行人路...
~關於遊行路線既安排~
由起點出發開始..長裕街,大南西街,長沙灣道,第一段界限街都係行行車線既...
直到界限街花園街口就右轉入花園街行人路,再左轉運動場道行人路,再左轉洗衣街靠右邊行人路,最後轉右邊界限街靠右邊行人路到達終點...
~特別要注意地方~
係恩福堂門口(大南西街)會有短暫停頓,
運動場道至洗衣街係轉左不能轉右(任何人士),
到達終點後所有人士都要向前解散防止倒流(可直行界限街,左轉大坑東道,過對面馬路u turn,或者入花墟徑呢幾條路離開)
註:希望各界友好都能以克制和理智既心黎參加這次既遊行,特別係係恩福堂門口(大南西街)預計可能會發生既事故,請沿途按義工糾察既指示
作為整個遊行負責人既我都想同大家講番聲抱歉,第一次搞呢類活動係整個安排上未能盡善盡美實在有點兒慚愧,就好似呢篇實用文甘都要搞到今晚先出到比大家睇,實在感激各位既體諒,我亦如上列所指,請各位都能保持理性冷靜地遊行,作為負責人我有義務保護各位既安全,亦希望大家都知道未必所有人都會贊同我地既做法,沿途或者會有外界人士既過激反應(例如講粗口),請大家都能以平常心以處之,警方亦會作多方面協助既,請大家放心!!
最後,感謝每一位支持我地既朋友,三言兩語實在難以表達到,但仍要向各位講聲多謝,你地既支持係我地努力左兩個禮拜最大既鼓勵!!
公民社會網絡 幹事
花月
