出年情人節，點都唔好去黃金海X酒店吃自助餐。
今年情人節想和女友吃一餐浪漫的情人節晚餐，budget $1000 左右，見到黃金海X酒店出來的價錢和地點都幾合心水，加上女友又想入黃金海岸影相，加上會送一支印有客人自選相片的紅酒，所以咪 book 20:00 檯食飯。e mail book 了檯後，過兩天要我打電話去追問成不成功，以經好有問題，成功訂檯只係回覆電話，唔回 e mail 都算。
當日去到目的地，我們早十分鐘進場，眼見人有兩條人龍，每條成二百人，重要冇人指示，要自己找應該排邊條隊，一直就話好快主可以入場，一排就二十分鐘以上，等到去餐廳門口，終於有人帶入場，之前我們都可以接受的，希望可以有氣氛咁食餐飯，點知坐下，先發現，我們係坐一張四人用的有檯布摺檯，檯面只得一張白檯布，最簡單最平個隻，酒樓都唔係間間會用冇暗花的白檯布，檯就麻雀檯個種 size，基本上可以打幾圈，檯面水杯，刀叉湯匙，紙巾，各一，洋燭都冇支，唔知點解坐室內是有的。算，見到女友面色小小變了，所以都唔想提，費事影響心情。
點知出去拿野食，大排長龍，成日冇碟用，食物一出龍，轉眼就分完，隻全羊，好似是上一場食淨咁，我一出去就餘下好小，成晚我淨係記得排隊，女友成晚見得幾面，我出去排完到佢出去排，出到去又要找下邊處有碟用，遲了排，食物又被人分完，地方就分開兩個餐廳，但大家都集中在花園等食。成日冇人收碟~~~~~~
紅酒，其實我都唔係好其待，不過想不到，佢只係用一張普通的白紙貼上酒瓶就算，最小都用相紙料。
每檯都有一客心太軟，我見別人家九點就送到，我附近就等到十點半後先出現。但個自助餐的時間就只是去到十點半，其實我早就想走人，就是等佢送來。
十點左右就開始關了部份燈，十點半再關部份，餘下只有1/3的燈光。客人未走，全世界就在趕收工，四維收野。食飯時就成日冇人做野。
其實冇咁樣的能力做生意就唔好接咁多客，我想信另外的食客都有自己的感受。好難再對這間酒店有任何信心。
Zole CHEUNG
