以下是高俊權理財Blog:
http://hk.myblog.yahoo.com/kokokei
網誌日期:22分鐘前
恒指今天出現回升, 外圍弱勢下, 淡友今早被挾, 當恒指上升力度該不大, 好大程度上由於國內今天出手救鋼材公司, 大市因而出現短暫支持.
恒指13975點. 中午時段成交額續弱, 260億.
沽港交所好正路, 事實上, 假如港股咁好運出現小回升, 港交一樣無受惠, 成交逐弱, 投資者不願入市, 大行出報告沽港交, 目標看$45.~雖然目標價有點過份, 但如環顧下一年, 可能性甚高.
大市反彈阻力14100點, 上升空間不大, 向下支持位推向12800點附近, 有機會再試低位10600點才能回升, 視乎中國出手的程度, 而歐美已經不用看, 唯一可取是, 奧巴馬的經濟內閣 / 財長人選能否給予投資者信心, 這便看這個全球耀目的總統功力. 如果用人是道, 的確可以"CHANGE"
國內相信會續出招保經濟, 國內情況已經太殘, 再大跌空間不大, A50正股可慢慢入貨.
這個時間追反彈入牛, 或認購, 除非本著全輸的心態, 搏一搏, 否則千萬不要諗. 但入淡又如何? 還是要留意買入位, 入錯位比佢挾一挾, 唔好話唔傷心.
倉內股票, 長倉穩健, 恒安, 安踏, 人壽, 長盈看好. 中人壽入高左少少, 無計, 我待大市再一次出恐慌性下跌, 人壽下一浪該見$15附近才慢慢加注. 不要心急. 恒安(10440待跌, 跌來跌去都唔到, 長倉貨已經好夠. 如果反彈, 當然好事, 大市再下跌, 入而是長倉致富良機.
安踏, 長盈 弱勢未變, 還是觀察多一點時間., 長盈好努力捱過此輪跌浪中.
中線江銅原先想$3.2加注, 可惜已升, 待下一輪大跌再溝貨. 這股根本不用怕.
筆者是價值投資者, 反彈市當然長倉不入手, 續以高現金買入優質股炒波幅, 每日即走, 因為優質股縱然下跌, 只要低位入手, 即日賺取利潤唔太難, 今天看中的是李寧, 可惜已升, 另一隻是北控
<以上是筆者之見, 沒有任何推介成份, 投資者只顧風險>