小弟正就讀中大個MSc in Finance...take了這個programme真的覺得後悔....因為這個programme真係有很多問題....

先講其中一個問題.....

跟據中大財務學系個MSc in Finance個網頁，你要讀十科，每科HK$9,000。

你會否覺得每一科的上課鐘數是相同的呢？

如果你覺得「是」的話，你已經成功俾佢「昆」咗﹗

原來中大個MSc in Finance個Timetable要跟中大BBA Faculty其他taught master programme（包括MBA）一致....
而BBA Faculty taught master分為三個Term加兩個Summer Term....
首三個Term都為期三個月，以那兩個Summer Term為期一個月....
以上資訊，你可以在中大網頁找到....
但魔鬼在細節，而這些細節，你要交了第一期學費才會知道.....

以2008 - 2009學年為例：
Term 1：1/9/08 - 30/11/08，共13個星期
你初初入去要讀兩科Core，分別在逄星期三及六上堂。
其中逢週六上的那一科全部為非假日，所以十三堂可以上晒（其中最後一堂為考試）。
但是星期三上的那一科，其中1/10為假期，所以..... 只可以上十二堂（其中最後一堂為考試）.....
你可能會問，如果上課當日是假期，為何不順延，補回那一堂？
我打過電話問財務學系，他們說如果「順延」的話就不可能一年維持到三個Term加兩個Summer Term喎.....
他們的理由可能有「道理」，但是，那為何兩科都要收九千蚊？

到Term 2：1/12/08-6/3/09，共13個星期
呢個Term先至來料.....
這個Term那兩科Core都依然分別逢星期三及六上課.....
你可以拿你個日曆看看，在這個Term內所以星期三及六，沒有一日是紅日.....
那照理由那兩科都可以上晒十三堂吧....
但是，Sorry.....
個財務學系竟然把去年十二月最後那兩個星期三（24/12及31/12）及最後那個星期六（27/12）當成假期話不用上課、又把今年一月最後一中;兩個星期六（24/1及31/1）當成紅日般不用上課：結果就是那兩科Core只有11及10堂（其中最後一課為考試）﹗
但是你不要期望這兩科會因為堂數少了而會減價﹗每科學費依然是九千大元﹗

嘩﹗真係掠水到無人有﹗

作為一個自費的碩士課程，每個學生在報讀前有權知道每科的上課時數，如果每科上課時數是跟一般人想像有出入的話，財務學系絕對有責任去主動inform申請人；現在財務學系要在申請人交了學費之後，讀了Term 1一段時間之後才把「真相」告之；那該學系（及整個商學院）的辦學手法是否誠實？大家自已諗。

真實除了這個上課時數問題之外，課程質素都好有問題，等我有空時再說。

wait for your sharing. quick

Do u think CFA 掠水?

放假唔會補堂, ug都係咁架啦; 紅日唔會補堂, 呢個係大學生應有常識.
呢個logic同樣apply係pg身上, 唔會因為佢係self-finance就有所改變.
(咦, 不過24, 27, 31咁當sem break都得!?) [P.S. 我睇左成大篇都剩係覺得呢個係point, 其他喎......]

最後一堂用黎考試(或者用上堂時間黎測驗考試), 都係慣例, 好多U都會見到.

P.S. 要誠實就唔好搵商學院

DGMan, 小弟今年有報中大msc fin，想請問如果我只係得一年銀行sales經驗及CFA level 1是否有機會被取錄？亦都想請問你報讀的時候大概幾時有得in及出offer，謝！

Finance這個科目本身要Accounting, Statistics, Economics等學科知識；但是CU個programme不會像HKU及UST提供這些學科的基礎課程，但你又沒有這些background知識，那怎辦？中大財務學系會建議你讀他們在學期前開辦的及唔使錢的pre-term course。

但作為過來人，如果你完全沒有這些background的話（尤其是會計），基本上這個pre-term course 都係浪費你時間。

為什麼呢？

我上的那一個pre-term course共5堂，每堂4個鐘，共20個鐘。

首4堂個lecturer就嘗試把basic的accounting及corporate finance統統濃縮在這16小時裡；如果你連balance sheet都未見過的話，那第一堂個lecturer一輪咀咁彈廿幾個Accounting Ratio你不要認為你會頂得住﹗當然，在這麼短的時間教咁多野，你不要期望自己會吸收得很多。

個pre-term course最後一課係講basic business statistics；嘩，在這4小時內全程由powerpoint slides主導，由basic probability到normal distribution到confidence interval及hypothesis testing都cover，全程你齋聽佢講，一條數都無得計，總之人地要24至36個鐘才學完的課題你就要在4小時內完全明白；如果你一點Stat底都沒有的話，你覺得你會明白幾多？

所以我應為，這個pre-term course跟本不能夠bridge一個沒有任何會計統計財務底的人到理想中的level；大家報CU呢個programme前，不要對個pre-term course有太大期望。

那如果你本身一點基礎知識都沒有，上完個pre-term course又矇查查，那往後的日子會怎樣？答：當然你會好辛苦，不過你不要害怕你會科科肥，因為每科個marking scheme都會把平時分調較都好重（>=50%)；一般來說，平時分可以有"class participation"，其實就是你堂堂上晒就會囉晒分；如果你的assignment不懂做怎辦？不用怕，到時那些assignment就會變成group project，你的group member總會有一兩個勁人吧？到考試喎，個lecturer咪求其係本textbook 個publisher提供的databank抽幾十條multiple choice再加兩、三條short questions咪攪掂﹗個個皆大歡喜﹗講真你俾得起錢，而你個表現又咁係特別差的話，個lecturer肥你又有什麼意義？如果肥了你到時你話withdraw話唔讀對佢地係無好處的。

所以，你讀CU呢個master，你唔使擔心成續（分分鐘你可以有好高grade），但係係咪真係學到野呢？