上次我搭地鐵(中午左右),車廂入面企既人唔係太多,但位就唔係剩返好多個
難得見到有個位,我就坐左,之後冇耐有個年齡介乎35-45歲既女人,拖住(記住係拖,唔係抱)一個大約4-6歲(已有甩牙)既小朋友,行左過黎我坐緊個位附近
於是個女人就用非常流利廣東話,同佢個小朋友講:"阿仔,阿媽話你知呀!有d人又後生又有手有腳既,見到我地d做左媽媽既人,拖住個小朋友都唔識讓位,真係好冇用架!知唔知我地d大人拖住小朋友出街都好累架?"
我愈聽愈扯火,佢擺明係講緊我啦!(同我同一排座位個個都係中年人同老人家)
佢就算真係想坐,都唔使講d咁既野吧!如果佢個小朋友係要抱既,我都會讓位俾佢,但個小朋友已咁大個,自己識行識走,我就諗唔到咩理由要讓位俾佢地2母子
我將呢件事同我老豆講,佢都覺得個女人好冇道理,仲話如果佢係我,佢會即刻扮打電話同人講"我見到d有手有腳既師奶好似殘廢咁,要人地俾個位佢坐呀!"
個小朋友俾佢阿媽咁教法,第日都唔知會變成點!
你地有冇遇過d咁既情況呀??

===================================
仲有少少嬲...我再補充之前發生過既另一件事...或者有人聽過我之前提及過
又有一次我係傷左隻腳,勁痛,上到車咁arm有一個位,咁我就坐左,冇耐一個唔使用拐杖頭髮黑黑地既婆婆上左車,冇位坐,佢隔離個唔係個婆婆個女既師奶(都係冇位坐)就大大聲同個婆婆講:"d後生女唔肯讓位俾你坐呀?"又咁arm坐我隔離同對面果d全部都係男人/男仔/阿伯wor!即係講緊我啦!佢有冇睇到我受左傷架??我係後生,但受左傷都會痛,企得耐可能會拉親個傷口架!
好心d師奶唔好咁多事啦

我試過見到有個呀婆(6x歲)鬧個中年女人唔讓位，但係佢唔係企係到最老一個

係我就唔忍佢...

個師奶係咪大陸人黎ga?



各位討論時請注意:

嚴禁發表企圖挑起種族仇恨、或歧視地區人民的帖


針書機

我只會讓位比老人家AND大肚婆..
其他既我係唔會讓開架..

你老豆講既野同我諗既野一樣  
扮打電話同人講我見到d有手有腳既師奶好似殘廢咁,要人地俾個位佢坐呀
不過有時見到d公公婆婆都會讓位比佢地 如果係d c9 就免喇

俾著我都唔會讓俾佢啦
佢咩料呀
做亞媽有手有腳，個靚妹冇病冇痛
我幹嘛要讓俾佢
俾著我實同佢講
「太太，睇嘢唔好咁表面。我有咗幾個月，不過我身材好唔覺見肚啫，做人唔使咁串囉。教壞你個女事少，教壞我個仔事大呀，胎教好重要架﹗」
呃下佢都好架!!!:p
不過如果樓主係男仔就麻煩d lu~~~~

冇教養 個個係件c9

如以上情況屬實
那就唔一定要讓座

母親年輕力壯
孩子多企有益

況且若當事人有呢個需要
那好應禮貌要求才對
單打無得益