BB今日13日大,5知佢做咩今日喊得好勁,
餵佢飲完奶又勁喊,換完片又勁喊,
掃完風又勁喊,抱佢又勁喊,放佢係床仔又勁喊,
基本上我對佢做咩佢都係勁喊,我播埋D純音樂俾佢聽都冇用,
就算佢停都係停得果幾秒,最後我唯有跟住佢一齊喊
我個BB一出世返屋企就痴我老公多D,我老公一抱佢佢就會5喊,
我岩岩生完頭果個星期老公都放假陪我幫我湊女,
但係老公一返工BB聽5到爸爸把聲就變得成日喊,
我老公放工返黎BB就會好乖。
BB淨係識得喊我根本5知佢想點,佢一喊我已經CHECK下條片有冇濕,
又會即刻抱佢,夠鐘就會餵奶但係佢都係甘喊,我點同佢傾計,點玩都冇用
我真係5知自己仲可以做D咩,我只係覺得自己好失敗連湊女甘簡單都做5到

唔好咁啦,,雖然我b未出世,但我都覺得我b中2爸爸多d..
只有爸爸係到,,佢就郁得最西利..
可能丫b覺得爸爸搞笑d呢,,你肯生佢出黎又照顧佢,,已經唔失敗啦..

KIKO,,
我個B咪早你個果幾日出世GE...
佢由出世以黎1直都唔點喊,,
但係呢2日都係喊多左好多,,又係唔知佢想點,,咩都做齊佢都係唔滿意..
氹到佢訓,,佢都無以前訓得咁林..(以前好嘈佢都唔會醒,,呢2日小小聲佢都嚇1嚇咁...)

其實會唔會係呢2日熱左呢???????????????????

仲有ar,,
如果你真係覺得好唔開心ge,,搵人黎幫你湊1陣,,你自己去訓下又好,,落樓下兜個圈都好la...求其搵你個妹又好,,你朋友又好,,叫你老公返1返黎先都好la..
唔好逼自己同個b困獸鬥ar,,對2個都無益ga!!!

會唔會有肚風^^?
因為bb有時係咁扭~你做完咩都唔岩咁~
你就試下用d好少既生油~放係你手上"初"熱佢~
之後就係bb肚仔"初"下佢~
我媽咪教嫁^^~你試下啦~

我同你都係一樣.
次次因為bb喊到收唔到聲.
老公就會好緊張,會好火爆.
而家我一湊,bb就會成日喊同好炆咁.
我係餵人奶喇,試過由早上十點餵到下就5點.
佢都唔肯訓.我真係覺得好辛苦.
呢幾日都係咁.一起申就湊bb.連食野都冇時間食
有奶都變冇奶.bb餓啜唔到奶又大喊同發脾氣.
我又唔想佢嘈住老公訓覺.
我真係好累.最後轉左餵奶粉*
新手媽媽唔易做.
我由出院到而家都因為自己唔識湊喊左好多次.
生仔難.湊仔更難

可唔可以錄低爸爸把聲....b b 喊就播出黎比佢聽.

唔好感緊張先啦...
可能BB扭爸爸抱丫...
所以你做咩佢都喊....

唔好唔開心啦...
你湊佢耐D..
BB慣左你就會痴返你架啦....

如果真係搵唔到BB做咩喊....
打比你老公...
比BB聽下爸爸把聲..再唔係好似上面感講..錄低去..
比BB有種安全感就好D架啦...

錄低爸爸把聲比樂晴聽....
kiko.你relex d啦....你已經好叻好盡力架喇..慢慢比d時間樂晴.....

唔使灰心喎!!
我都係好似你咁..我同亞b一齊喊已經係成日都發生既事~!
我亞b最鐘意夜晚先喊tim~我試過亂諗野..試過好想同bb一齊跳落街tim~
不過呢d都係解決唔到問題既~
其實唔係自己無用..你試諗下..有邊個一出世就識得揍bb架??
bb係一張白紙..你都係一張白紙!~你同bb都一齊學習緊!~一齊進步緊~
你初初有左果陣..咪又係咩都唔識..
到你生左果陣..可能你連抱佢既姿勢都唔係太識~
不過依家呢??係唔係進步左呀~???!!
初初bb唔係太喊..係因為佢有黃..所以佢好累..成日訓..唔會扭計~!
不過bb會一日一日咁長大..佢既要求會越黎越多~所以喊既次數都越黎越多~
唔使怪自己架~~媽媽永遠都係最偉大既~
所有bb都會喊架..佢唔會好似初初出世咁成日訓...
bb要喊先會大架嘛..喊多d對個肺都好d啦~係唔係??!!

我諗你要行開下~
比bb其他人睇住先~咁會好d架~