係兩年前既會考之後 我搵到我既第一份工
係係一間知名既pizza店入面做廚房員工
當時我做左幾個星期 因為做水吧位而識左幾個餐房既女仔
而佢就係其中一個 當時個個都話佢好靚女 有一種古典美 有d似混血兒
之後我就同佢地幾個放工後去食宵夜 當時人地話我鐘意佢 讓我坐係佢對面
當時我真係覺得好緊張 但係又好開心 好似世界得番我倆咁 好甜蜜
第二日有人話我同佢去食宵夜 又話我鐘意佢 但係我無認 都無否認 只係問佢點解咁講
我一直都唔敢同佢好好咁傾計 可能係因為已經畏懼別人講我地既閒言閒語
我怕佢會因為咁而同我疏離 不過令我地關係疏遠既 卻係其他野
到左之後 我地既返工放工時間唔同 佢返既日子都變得少左
九月既時候我決定重讀中五 我亦再忍受唔住廚房入面既鬥爭同對我既不堪
我係電話中辭左職 個時開始我一直都無再同佢見面 我連佢電話號碼同msn都無
有時候真係要過左去 失去左 先知道自己係幾咁鐘意佢 我真係好痛恨自己既怯懦
好痛恨自己怕羞既性格 但係一切都已經無法挽回 我已經完全失去佢
直到兩年黎我遇見過佢兩次 兩次都係擦身而過
佢兩次都係一見到我即刻就黑面走過
第一次係係沙田既一個廣場 見到佢個刻我心裡面既感覺真係好震撼
好想同佢講野 好想再叫一次你既名 但係再行 見到係佢面有一個男仔係度睇緊書
你都發覺有人望左你好耐 轉面過黎 見到我 就轉返面走過左去 係呢一刻 我知道我再次失去你既一切
你知唔知我心裡面係幾咁掛住你 你用一個表情 就將我拒於門外
直到我係幾星期前 唔知點解會無啦啦搞自己既facebook
我搵到你 係個一刻 我再諗起過去同你一齊既野 你既面容係幾咁令人感到失落
我加左你做朋友 我真係好緊張 唔知你會唔會拒絕加我做朋友
到你加左我做朋友 我去睇你既相 見到一張 背景係我以前同你一齊食宵夜既餐廳
張相影住你係前面 呢張相真係充滿我同你既過去
即使唔係我影 即使叫既野食唔同 即使你既樣貌有少少唔同
但係感覺都係一樣 我真係好鐘意你
不過 我已經諗通左 即使我地唔可以係埋一齊 只要係遠處見到你過得快樂 已經好足夠
即使唔可以係你身邊 我都願意係遠處分擔你既喜與悲
情人節即使要我一個人過 但係今年既情人節 我既內心都唔寂寞
可以幻想同你出街 同你有呢一點少少既連繫 已經係情人節第二好既禮物
希望你會過得開心 生活愉快
祝大家 有情人終成眷屬 情人節快樂
