揮春大整蠱

排骨不嬲唔妥大力，但今日居然打電話給大力。排骨：「大力，祝你今年財源廣進、財源滾滾、心想事成、萬事如意、恭喜發財、招財進寶！」
大力聽到想喊：「排骨，多謝你，等我仲以為你一直唔妥我添！」

排骨：「傻啦！新年嘛，乜都從新過啦！我仲將頭先說話寫成揮春，速遞畀你，你慢慢睇啦！」

果然話口未完，速遞即到。大力滿心歡喜拆開揮春一看，當堂吐血，原來排骨全部講反話。揮春上寫：「裁員廣進、裁員滾滾、薪餉四成、萬市如憶、工洗發裁、遭裁禁飽！」