|
二星fun會員
 
|
1#
大 中
小 發表於 2009-2-24 01:18 只看該作者
偷拍人地有冇罪
法律灰色地帶，無法例明文話偷拍係刑事罪行，案例亦只有人因偷拍裙底而被入罪。據我所知，好似無咩人試過影腳而入罪
偷拍裙底通常被控"遊蕩"，近年則興告"公眾地方內擾亂秩序行為"
刑事罪行條例第160條：遊蕩
(3)任何人在公眾地方或建築物的共用部分遊蕩，不論單獨或結伴在該處出現，而導致他人合理地擔心本身的安全或利益，即屬犯罪，一經定罪，可處監禁2年。
公安條例第17條B:公眾地方內擾亂秩序行為
(2)任何人在公眾地方作出喧嘩或擾亂秩序的行為，或使用恐嚇性、辱罵性或侮辱性的言詞，或派發或展示任何載有此等言詞的文稿，意圖激使他人破壞社會安寧，或其上述行為相當可能會導致社會安寧破壞，即屬犯罪，一經定罪，可處罰款$5000及監禁12個月。
問題係，影腳似乎在道德上比影裙底較易為社會接受，因為著得短裙/褲預左對腳俾人睇到，唔似得影裙底，除非條友茂底或申部手機入裙底先睇到。但係，齋睇同影，社會會覺得係唔同層次
如果用遊蕩黎告，必須要影腳者在該處沒有合理原因地陪迴，否則比較難入罪
如果用公眾地方內擾亂秩序行為黎告，似乎入罪難度更大，因為影腳比較難稱為擾亂秩序行為....影裙底大眾嘩然，但係如果一個人正正常常企係到影，你根本就唔知佢影腳定其他野，話佢擾亂秩序好似有d夾硬黎
所以，個人認為，可控告遊蕩，公眾地方內擾亂秩序行為則未必
這只是個人分析，沒有案例支持
注意：偷拍唔可以告非禮 (indecent assault)，因為法律上的非禮和孔子的「非禮勿視，非禮勿聽，非禮勿言，非禮勿動」不同，法律上要求 1)身體接觸或 2) 令對方以為會有身體接觸 (creation of apprehension of bodily contact)。偷拍唔會有身體接觸或 令對方以為會有身體接觸 ，所以唔構成非禮
|
