仍在東京.....

都第4天了.... 總括來說這個5天團都無呃人的... 基本上行程所寫的酒店及飛機都一樣.... 但可能我唔好彩... 個導遊兼領隊就差少少囉....   

第1日早上初遇領隊在機場.... 因我算最早到就問一問我們的座位可否安排坐窗口 , 因朋友未去過日本... 2秒都唔駛就比領導 ban 左... 即話今天班機好爆無咩機會 =.= , 我就話咁算吧, 但可以試下問下嗎? 問了2次,她才動身代問下... 當然是無問題啦... 上到飛機....頂佢個x ...根本係唔滿...好鬆動  

之後.... 呢幾日係車..成日話我地比唔到反應她 , 又話我地無留心佢講野... 其實係她解釋得唔生動 , 平舖直序咁講解 ,就緊係無人有反應啦 , 緊係想休息啦 , 第1天雞啼咁早到機場... 上旅遊車訓都唔奇啦....

個導遊就話自己入行多年經驗好夠...但我同d 團友其實覺得佢唔 pro 囉 .,,, 上車 sell 產品就 sell 到要客提先記得講價錢... 有餐代客訂和牛 , 漏左1份就話個客無 confirm 所以無落 order ...那個團友幾慶, 她最後係烤肉店 free 汽水比那 pair 客當了事 ...

好喇我地因第4日係 free day 要自由活動 , 開茶會時都有講話想去邊就導遊會教搭車.... 係就係有教... 好快咁講完... 結果當然係我們都會再問... 她就好似好趕時間咁(之前她有提及她約了 friend) .結果好無奈....見好多人唔明 , 才死死氣帶我們到車站指示點購票及點轉線...

總括, 以 3999呢個價...我對行程,酒店及包餐都滿意 ... 但真係出外去旅行開唔開心好唔好玩... 真係領隊導遊好緊要... 我係呢幾日遇到東瀛/康泰.... 人地個導遊真係處處介紹 , 特別今天係台場shopping mall , 人地個導遊直頭介紹晒邊個位拍彩虹橋最靚 , 邊層d食店比較抵食同好味... 又提d客如果買左 agnes b 記得退tax ...我地  
  一去到就講2句... 好快就對錶...

明天和後天...都係算自由時間了... 因最後那天要行的幕張 outlet...就在我酒店行10分鐘... 所以真係走先見她了... 好在我都有帶自由行書...自求多福!!

你好似幾唔開心
仲響日本都急不及待要打料上黎.......

唉, 我新年跟新X去馬來西亞時個導遊都係咁, 一個字:"差"
其實我以前都同朋友跟過永X的團去馬來西亞, 個導遊超好, 好似在雙子塔要在那兒拍照才好等, 問什麼都知, 又介紹好多有關馬來西亞的歷史等, 去完之後真係對馬來西亞印象好好架; 今次因屋企人未去過, 雖然某D行程OVERLAP, 但都去多一次啦, 點知...
唉, 其實個TRIP 的行程都好好的, 不許食住比上次欠佳啦, 但個導遊好費囉, 只識說自己屋企D事, D人點佢D野, 一句起, 兩句止, 什麼都唔講(其實唔知佢是唔講還是唔識咁), 去到雙子塔, 又唔講邊度影相等 ; 剩識對錶, 叫我們自己行... 好似樓主的例子架.

好好的一個假期, 換來一肚氣; 真係未遇過咁差的導遊;
其實原本我回來後都費事再講, 但看了樓主的POSE, 勾起那個TRIP的回憶, 不說說有些不舒服.

所以個導遊真係好重要..

係呀!
日本冇夜街行,不過我鍾意嘆溫泉,所以對我冇影響.
SALE嘢方面跟團一定有咖.
BUT SEVICE 方面就...........
我跟過佢地去北海道,唔差喎 .偶上一班好團友同導遊.
樓主唔好比今影響心情啦!下次會好咖

溫泉酒店通常在偏遠市郊，無街可行，成本較低，可做特價

其實呢個 3999 團.... 4晚住左 3間酒店 , 多摩京王 , 幕張 apa 這3晚都有房間 free 上網... 我都好滿意 ... 中間有間山梨懸係就係偏僻d , 但就間房好大而且住下塔塔米, 就無得上網 , 其中3晚都有免費酒店內溫泉.... 很ok 架.... 膳食方面... 都唔預有咩驚喜 , ok 啦 , 反而佢唔包餐我又唔 mind , 自己四圍找食市試.... 航機就國泰來回早去晚回...總括呢個 3999.00 唔計個Y小姐的服務質素....... 有機會會再跟x橫遊...