我間中會幫D學校or中心「帶camp」，就起剛剛個星期六日，我同一班小四學生去左長洲，期間有兩位同學既事，令我好深刻，好想分享一下，無論你係唔係家長。

自問成日帶CAMP，已經算係「見得人多」，但呢兩位同學真係.....

少少背景，我會將d同學兩個人分成一組，以buddy稱呼。buddy間係有福同享，要罰就一齊罰。呢對buddy，第一日已經不停比我罰，原因大多係因為其中一個（下稱A）犯錯，而連累佢buddy（下稱B）.....故事發生起第二日，話說B唔見左D野，比我捉到....

我：B！你唔見左XX，比我執到，你覺得我應該點做？
B：........
我：A！你buddy唔見左XX，你覺得我應該點做？
A：唔......我覺得要罰！！
我：點罰？
A：我覺得要罰掌上壓（營地標準罰法，一般係十下）
我：幾多？
A：我覺得要80下！！
B：........
我：（你個衰人，你buddy對你咁好，你咁玩佢！？）你真係覺得要做80下！？
A：係！！！
我：（火）OK！80下，你話既！一齊做！GO！！（因為有罰齊罰）
A：下！！我都要做！？
我：buddy犯錯要一齊罰！你知架！！做！！
A同B死死地去做，期間B一直都冇埋怨A。做左10下左右...
我：起身！A，我再問你，你依家覺得要做幾多下！！
A：我覺得......11下就夠喇.....
我：點解！？頭先你以為自己唔使罰就80！知道自己要罰就11！！！！
A：我.....我怕B會辛苦LAW！
我：（XYZ.......）好！！原來你係怕buddy辛苦。既然係咁，我罰B做11，而你做80，你認識點丫！？
A：下........
我：B！你認為點！？
B：Sir！唔好啦！佢做80都會好辛苦架！！
我：（人性光輝呀！！比A咁玩法都仲會擔心佢！）B，你真係好.......

同一件事，同樣都係四年級，居然有咁極端既性格。究竟係「天生」，定係「家教」呢！？

好明顯係a嘅「家教」有問題
4年級......
冇人性得佢(a)丫

A呢個人完全唔為別人著想------自私，小人之心！
B 呢個直得一讚-----為人設想，能夠顧及他人，難得！難得！
「天生」，定係「家教」呢？------兩者都係，但後者可以改變一切。
P.S 最後有無罰A多做掌上壓？如果係我會罰佢多做5--10下

我尋日搭車都見到一個好得意0既情況
一個著得好潮,應該都係三十左右0既媽咪,帶住2個小朋友
2個同一間幼稚園,係哥哥同細佬
直覺會覺得佢2個一定唔乖,個呀媽仲係冇咩家教0個d
點知....

突然有一個空位,個哥哥衝左去坐,
呀潮媽叫佢乖d,細佬又嘈住要坐....
當我以為又要成程車被折磨0個時
呀潮媽講左句:[哥哥,你記唔記得上次兔仔食野個故事係講咩?]
哥哥即刻靜左,答媽媽:[係講要分享]
媽媽再話:[咁而家你又想坐,細佬又想坐,如果你係兔仔佢會點做?]
哥哥答:[咁.....同細佬分享]
之後自己除低書包, 幫細佬除書包,一齊坐
潮媽再講:[細佬,咁個故事講有人同你分享咁要點做架?]
細佬就話:[要講多謝,同埋下次都要同佢分享]
之後就好乖咁坐左一程車

真係覺得,原來有家教係咁好
個潮媽真係潮,用呢d方法教小朋友

原來你係怕buddy辛苦。既然係咁，我罰B做11，而你做80...  <<<<<  我鐘意呢句 !!!!!!!

樓主,你的分享令我諗起[無頭東宮]入面
陳妙英同向海嵐2個仔調轉左
但係壞人個仔本性壞都可以教好
相反好人個仔本性好都可以教壞
所以,我覺得係家教原因

同埋而家好多小朋友都好早熟,有d乖0既識得為人設想都唔少

好明顯係a嘅「家教」有問題
4年級......
冇人性得佢(a)丫

A呢個人完全唔為別人著想------自私，小人之心！
B 呢個直得一讚-----為人設想，能夠顧及他人，難得！難得！
「天生」，定係「家教」呢？------兩者都係，但後者可以改變一切。
P.S 最後有無罰A多做掌上壓？如果係我會罰佢多做5--10下

無頭東宫真係好好睇架~~~^^

樓主的分享中
我經常扮演緊B的角色~.........