e排睇到咁多人講魯爾~對佢既一些感想
點解d人成日話老爾老啦~冇用~
係~可以承認佢不及當年~
但係依家睇佢踢波~
唔好講佢有冇波入~只係佢跑動~
成日都係全場見哂~好多時侯都會返後~
成日中場拎波再組織上去~以琴日個場黎計~
開頭佢根本係前便拎波既機會都冇~下下都後場見~
但係一次後上~佢就有波入~仲要射得咁靚~
唔通e d 叫做幸運~同埋留意一下佢踢波~
佢上腳小~一下就撞比人~令到接佢波同埋自己都好多空位~
希古恩~同洛賓係e 方面就有所不及~
仲有~幾時見過魯爾會甩波?唔可以話冇~但一定係好少
同埋d人成日話佢汁雞~其實好多時侯~佢都會分d波比人射~
再加上~汁雞都係人地射唔入先有機會~
點解冇人會話人地點解咁都射唔入~反而話魯爾幸運王~
仲有~汁雞~你唔跑入去~連波皮都冇機會掂啦~
魯爾都一把年紀~係球場上~分波~入球~跑動~都做足哂~
更加係皇馬既精神領袖~點解d人仲要插一個係球場上咁為球隊同隊人努力既人