今日俾人話我無send嘢!
尋日忙到嘔, 諗住updated埋send out email先放工, 啊姐放工要鎖門, 叫我"第日先做啦",今日俾人地啊姐走嚟話我仲咩唔update, "你咁唔得架喎! 你每1日都一定要update唔可以唔update". 我啊姐又同我講"你唔update, 老細問佢地佢地好委屈", 真係想叫佢食屎!! 尋日我話未做晒啲嘢想做埋, 又係佢話"第日先做啦~", 今日就同我講"你無update佢地俾老細追好委屈!" 正PK!! 咁佢地咪email back話做咗.
下次佢想放工, 我會話"未得喎, 每日都一定要做, 唔做埋唔鎖得門!"
:046::046::046:

第一日出黎做野 ?

發洩完,舒服D未?
你有壓力, 佢有壓力, 不如放下憤怒, 一齊努力啦
開心D啦                                                                                                                                                                                                                                                                                                 

您第一日返工嗎?
呢d野,您預左要食架啦
我以前食唔少tim啦
最後一次同樣係咁理由
而被人解僱tim
真係跟佢講咁做又錯
唔跟佢指示又好似唔俾面佢咁
都唔知點做好喇

朋友，不要介懷，長命工夫長命做﹗

係咁架啦
你可以直接同佢講
我d野未update, 我要update埋先走得

佢呢d叫做門面說話, 你唔好當真, 做好自己野先唔會比人小

樓主你下次要直接同佢講啦~

d啊姐係咁ga~唔會體諒人...

你要小心D明確講明 你未做既係D乜野, "講到明", 咁你可以反駁佢, 但始終佢係你亞姐, 你要就住來講, 除非你諗住PAT炮. 如果唔係, 你真係要忍!