今日同朋友食完大角咀旺角道直入好出名果間豬骨煲之後, 等位等好耐果間, 行過一間好細間既零食鋪, 唔知果條叫咩街..淨係記得對面有個球瑒.

果陣十點幾, 見佢重開咪好奇入去睇下囉... 入面好多款囉... 連失傳左好耐既旦花酥都有... 真係估佢唔到...

好平囉d野.. 好多野都比我去開度平(forum名). 同 乜通平

我見咁平. 就攞上手睇清濋係咪過期. 因為試過食左過期都唔知, 佢冇囉 (事後老細話我知係新入貨等過年)

最奇就係, 個老細見我左睇右睇, 以為我鹽佢貴, 佢同我講, 我地有最平保證. 遲d佢地會有綱站, 同送貨喎.

佢話如果, 我知道邊度做緊特價. 佢一様可以做返一様價錢. 我問佢要點證明, 佢話講個店名, 同價錢就得,

佢再講, (其實果陣我差唔多買左60-70蚊)

其實成本幾錢大家都係果條數, 但係佢自已睇鋪, 唔駛出量都一定平過人喎.

結果... 我真係搵唔到一様係貴過出面 (至少係我買開果d)..

埋單2百幾蚊...... 三大袋..... 冇真係計過, 但係保守估都平過平時4-50蚊..

因為公司d同事知我成日食野...會撘單叫我買埋. 所以每個星期都會買2-3百

最衰我唔係住果頭.....如果唔係成日可以掃貨,.. 年中應該會慳唔少..haha.

-__-" 岩岩先打完邊爐... 但係岩岩打野咁就食哂成包越後芝士波波............勁得... 停唔到口..

聽日返到公司一定冇哂..haha.

而家見到成袋零食好high~~~覺得買平左特別食得開心食得快.... ^.^