其實d相有新有舊
係自己一直懶無upload
今晩趁住訓吾着一次放曬上嚟先
首先係係旺角女人街一間土耳其餐廳既下午茶;我林大家有睇過早幾期某雜誌既BOOK B都見過呢間鋪頭
芝土春巻好味道(尤其一上枱果陣,凍左真係差好遠)
土耳其茶比較濃有少少苦不過加少少糖就ok啦
而咸乳酪就硬係覺得賣相同味道格格不入(可能個人主觀覺得乳酪一定係酸或甜)
其實仲有叫左兩件卡巴卷,不過一上枱就食左吾記得影相
再嚟係荃灣食既雜扒餐
其實味道就一般啦
不過勝在價錢合理大堆頭(尤其lunch)
腸仔薄火腿鷄全翼豬牛鷄扒各一件
再加炸薯仔
跟住都係荃灣食既薯粉又係之前某雜誌既BOOK B介紹過
不過呢間我由果度開鋪幫襯到依家
配料必選四川臘腸同蓮藕片另外有時會食涼伴皮蛋(呢個又次次都吾記得影相)
再嚟係今日係葵盛光輝圍食既小辣越式湯金邊粉
生牛肉加扎肉
雜會
呢到既湯底好好味,而且飲落吾似味精湯底
跟住呢個係年初五影既
果晩同朋友係尖沙咀食自助餐
果晩淨係影左呢兩張甜品既相
雖然同場有各式冷熱盤,日式剌身,即開生豪等等
但係最吸引我都係d甜品
最後呢間係銅鑼灣時代廣場電車站付近一間上樓既印度餐廳
毎次同朋友入去快活谷博殺前都會去呢間餐廳食晩飯先
d食物既名真係吾記得
不過果度有幾個set可以簡
吾食得辣最好叫埋青瓜乳酪(即係第一張相右下角第二張相左下角)
解辣一流
最後搭單一問各位呀
知吾知下面張相係咩小食嚟
張相係我之前去泰國玩果時影既
時間係朝早八点幾
我見到個婆婆賣既,價錢係廿蚊泰幣
似乎係一種早餐食品(因為婆婆有技鐵"斤"比我即場食)
咸既,"畢"落去係一種流質既質感
