琴日係情人節前夕兼母親大人生日ge大日子，
緊係要成家人出去勁擦一餐啦~
相係用手機影ge~有d模糊~


去片~~~

首先，係普通ge湯加餐包~




跟住主菜就上喇~~~我ge餐~
呢個係"照燒三文魚配炸蝦天婦羅"
三文魚煎得有少少老，但鮮味搭夠~
炸蝦就認真mama地~不過成個餐整體黎講都算唔錯~


蒜蓉汁西冷配意粉~家姐ge餐~
西冷4成熟，佢話幾有牛味，仲好淋~
比牛x水好好多咁話woo~



再一個蒜蓉汁西冷~不過配薯菜~呀爸的餐~
食感同上~


其實仲有媽媽個餐~"燒春雞配炸軟殼蟹"
不過食左好多先記得要影相~
相就冇喇~食評都比到大家ge~
燒雞外皮香脆，入面雞肉嫩滑~
軟殼蟹就差咁d鮮味~

仲有個豬頸肉薄餅~
個餅唔錯，不過入面d餡mama地~


特飲:涷朱古力曲奇咖啡
三個字講哂:香，滑，濃


出街食ge野就咁多~真係食得好開心~
既然係情人節又係呀媽生日~
咁又點可以冇我整ge蛋糕呢?
中間個d其實係士多啤梨~
不過我特登溶d朱古力，將d士多啤梨浸落去，真係好靚架~
同埋放入雪櫃雪完出黎變左脆皮~好得意~




最後祝大家情人節快樂=]

你個蛋糕好靚啊....

果然係愛心蛋糕, 好味道!

樓主，你整幾蛋糕好靚呀！

我想試下a....

自制脆皮士多啤梨好得意

對杯凍朱古力曲奇咖啡最有興趣  
未試過, 唔知會係咩味 030 賣相吸引

個蛋糕好靚呀

個蛋糕好靚...你好有心機

幾豐富既晚餐喎！樓主幾考順！

又孝順又叻女爸媽都鍚晒妳囉.   
祝伯有生日快樂身體健康.