你終於再寫la,
我又可以再追la  
支持支持

頂，頂，頂

加油，加油，加油

你終於再寫la,
我又可以再追la  
支持支持

有下文未........有下文未............

我的愛情故事 –　我的最愛前半生


夜深人靜，整個空間，你只能聽到你既呼吸聲，仲有鬧鐘既滴搭滴搭聲。我整個人不能入睡。就按一下鬧鐘既小燈。
時間係清晨既三點鐘，唯有起身去”針”一杯水，然後安躺係自己家既窗。看一看街外既景色。雖然我不想去睡，但係眼睛
開始有少少疲倦。近視既我試圖去咪起雙眼。去看一個沒有車輛，沒有遊人既街外。卻只見一支支既燈灯，橙黃色既街灯照射住沒有人既街中，還有遠處一座座屋村既白色走廊灯。白橙配搭，令人迷醉。而晚上既陣陣微涼既風。吹向面上，份外
使人悽涼。突然間令人迷醉既景色，令到欣賞之人覺得孤苦伶仃。從一種欣賞，變成一種討厭！想不到，剎那份感覺突然間
話變就變。我帶著失落既心情，嘗試去再次入睡。但仍然無法去入入睡時，腦海中好似洗衣機咁，天璇地轉。或者七上八落，令到我整個人憾入一種、兩種、無限種既不安中。心呼吸、又再次心呼吸。成功地對抗到我，使我不能入睡。終於坐起身。
然後把枕頭放起，背脊埃向後，整個人係一個漆黑之中，被黑暗包圍。我定眼望住被眠”被”蓋住彎曲既”失頭”。腦海好像有一部投影機咁閃起一D無諗過既片段。我想返起一個既機場。聽到一把女子既聲音，叮囑我~

Christine：<記住你要訓晏覺! 唔記呀!>
我：<點點頭>

依句話係佢臨入閘時，叮囑我。我落笑左一下，同自己講：

<或者，依一日我真係好聽話咁訓左我晏教，導致左我失眠。>

我眼光光咁攬住自己既”失頭哥”好失落咁回味緊佢依一把溫暖既聲音。雙眼既淚痕好似火車路軌沿路咁流到我既”被”鋪，係我不能夠控制住。晚上既黑暗氣氛更令我好似一位無聲既朋友咁。陪同我一齊去哭。結果我雙眼累得終於睡著了……

第二天早上，我仍然是放假中。我訓到約十一時，我眼睛好痛，或者係陽光射入我既眼匡中。同時間，由於保持彎曲中既姿勢!令到我好似一個風濕病既老人咁。腰酸背痛，可能我既年歲年年漸長，根骨亦無咁靈活。我走落床去梳洗時，當腳肘去掂一掂地時，仲有少少失足，好彩自己體重夠輕。所以，好快扶住咁走入厠所。然後就開水刷牙，但係過程中，係彎腰漱口時，我感到脊骨痛楚既訊號! 我唯有要企直身去漱口。當吐出來時，我就好迅速就彎腰去吐。我頓時去想，依d係唔係未老先衰既表現呢？但係我都係百分百既年青人! 我好快迅地就完成，仲我走到出去床，收拾自己張梳化床。電話就響起~

我：<喂~~>
Christine：<醒左啦! >
我：<嗯~
Christine：<執緊床呀？>
我：<你點知架?>
Christine：<我係你屋企裝左個CAM 嘛？>
我：<仲諗住帶人返來訓添……原來我收到嚴密既監視!>
Christine：<我男朋友唔會既~ 嘻~>
我：<(低頭微笑) 我琴晚岩岩識左個Mary 係我隔離，要唔要叫佢聽？>
Christine：<哈~ 好呀!>
我：<(扮女人聲) 我從今以後要叫你做姐姐，我已經係Wind Wind 既人~>
Christine：<依~好老吐呀你…>
我：<(眼濕濕) 為左你，幾老吐我都願! 我好掛住你~>
(電話傳來一陣嗦嗦聲)
Christine：<(眼濕濕) 我都係~一個人係度好辛苦! 我成晚無訓~>
我：<唔可以咁架喎! 我琴晚同你講完電話立即上床訓，立即訓著。因為我唔想你擔心囉。>
Christine：<我一個人訓，你有Mary陪你梗係開心啦~>.<)
我：<區區一個Mary邊度得。係因為有你把聲先至令我昏昏欲睡。>
Christine：<即係同我講電話好眼訓啦？>
我：<(令令頭) 唔係! 我唔可以聽唔到你把聲，只要我有生命就好去聽呀!^^>
Christine：<算你啦~>
我：<一陣你去邊呀!>
Christine：<未知，老闆話今晚約埋D同事一齊食個晚飯先。可能知道我係香港人人生路不熟啦! 早D介紹D同事我識。>
我：<(微笑) 太好啦~ 你有時間真係要識多D 朋友呀!>
Christine：<你唔怕有人追我咩~>
我：<哈哈~~ 唔怕呀! 佢地係追你，我係追到你嘛!>
Christine：<幾時變得咁自信架？>
我：<唔係自信，係對你有信心。>
Christine：<嘻~ 咁我都要自信D先，因為我男朋友令我有信心!>
我：<乜我比到你信心你咩？>
Christine：<係呀~ 你咁既外型，同埋樣貌真係好難搵女朋友。係我先揀你渣。>
我：<哈哈哈~ 你鬼馬呀!>
Christine：<唔傾住呀! 夜D搵你呀~ TAKE CARE!>
我：<你都係呀!>

                                                                                                                                                                                                                       

唔知點解講完依個電話後，我就立即無乜事。我真係開朗左。我立即走去開電腦! 想SEND 一個EMAIL 比Christine。係睇Email 既同時，去Check下有咩野Email。竟然睇到一封來自一位夜校同學既請柬，我雖然岩岩同女朋友分離。但係收到佢一份邀請，我依一刻倍感榮幸。一個已經沒有聯絡既朋友，竟然會記得我既名字。還想我去見證佢重要既一刻。但令一方便我亦有少少失落感，並唔係因為妒忌，又或者女朋友離開左身邊而令到我唔開心，係歲月不留人。我望向抬上既全家幅，原來我不是小朋友啦，係一位要自立既成年人。或者我應該要為自己既家人滿足。或者我應該要為自己可以咩起頭而興奮。我並唔係覺得依D係問題？而係覺得我要告別我既回憶去承接住我未來要負起既照顧別人既任務。依一刻，係電腦枱既我，側側頭閉起雙眼，想起好耐好耐既回憶。依D既回憶其實係發生左好耐。但係好似琴日既事咁。處身現在，去乘坐時光機咁，返返去我讀書既時期。
仲聽到班主任叫我個叫~


洪老師 ：<Wind 同學…>
我：<係~>
洪老師：<出來攞成績表。>
(從自己坐位步行出去)
我：<(接過成績表，望一望後，再望一望洪老師)>
洪老師：< Wind~(微笑)我知道你盡左好大既努力，今年學校要換血，只收80人讀中四。還有10個學額。要比運動叻既學生。你全級92。我幫唔你入中四呀!>
我：<(失望、眼濕濕) 嗯~>

我步行返埋位，估唔到爭少少就係爭少少。我內心真係有少少怒氣同埋怨學校既無情。我由一個成績低劣既學生，能夠打入全級頭100。點解會咁對待我？我係小息後，走落去禮堂入面去望一望聯招，發現了VTC 既汽車課程取錄左我，我有少少好似攞返個安慰獎。我仍然好唔開心，畢竟我最想既係原校升讀。所以被淘汰既滋味係唔好受。我從二樓禮堂走向地下既小食部。突然有人拍我。

Rachel ：<喂~ 你考成點呀？>
我：<吓(內心有少少面紅、畢竟佢係我個班係最靚) 唔得呀!(無奈)>
Rachel：<吓~ 咁點算？>
我：<VTC 收左我呀，咪入VTC 囉! >
Rachel：<讀D咩架？>
我：<唔知喎，屋企人幫我報既。>
Rachel：<不如同學校講叫佢比你讀啦，你真係有條件升喎。>
我：<算啦…依到咁無情，好巴閉咩!>.< >
Rachel：<哈~頂你唔順!>
我：<你點呀？讀唔讀到呀？>
Rachel：<(UP 頭) OK 呀!>
我：<恭喜你啦~>

講左一陣，Racheal 既男朋友同埋佢成班朋友都埋晒來。我靜俏俏咁走開。因為我係班到除了外型，還有口才都唔係好識氹人，所以我都係偏向靜。當時算係一個電車男。而我記得，依一段話係我同Rachel最後一次講既一返話。係我中三時，一直暗暗傾慕既一個女仔。亦對佢依份傾慕埋藏住。如果我話唔捨得學校，我覺得最唔捨得既係Rachel。因為我今次除了要同學校既關係要完結之外，還可能今後同Rachel係一個徹底既斷絶。我記得離開中學門口個一刻時，對學校揮了一下手。其實當時我只係幻想同Rachel揮手，希望同佢後會有期。雖然只係一種自我安慰，年少既我又點會咁容易接受呢？我每行二十至三十步，都會望返返轉頭，望住依一幢白色既建築物，腦海除了我短短三年既片段一下一下閃過，還有Rachel殘留既影像係我腦海出現。我唔識點去解釋，亦未能夠運用言語去表達。我沒有嘆息、也沒有任何既動作。只係一步一步咁離開左我既校園、還有Rachel。

(待續)

辛苦晒大家要再次睇咁多字啦！
希望大家持續既俾面，因為今次會分享得比上次慢少少。
但願你地每一晚入來為我打打氣。

畢竟我都係一個新人，係需要各位朋友俾面同埋鼓勵！
希望大家可以持續為我依一個網路分享人打打氣。

祝大家牛年快樂！

Thankssssssssssssssss

FM : Wind                                                                                                                                                                                                                       

ok wor

第一個留你言  慢慢寫都冇所謂,當追劇咁追  我支持你架

大佬Wind，你和Christine的愛情經歷實在峰迴路轉，而且你的組織力頗強，使文章各方面都拾到好處。我也很渴望擁有這種但願生生世世永不分離的愛情，你倆從天意下一次偶然的相遇，最後變成可歌可泣的相愛。雖然中段確的走了很多冤枉路，但是終能走回一起，可謂緣份。我所指的緣份是「七成努力，三成天意」。從你的回憶錄中看得出，努力，你已經付出無數，我相信數字已經不能代表一切其實我。慶幸的是你所付出的，在最後亦得到了應有的回報（這就是天意、巧合。雷曼兄弟實在幫了你很大的忙！！！）
我也有過一段跟你愛情故事頭段情節很相近的愛情，可是我不知道會否有幸與她擁有跟你和Christine的愛情。我跟她相遇也只是偶然的科學營裡相識。其實是次科學營我並不是很想參與，因為四天的學習我要花費差不多五千元，而且只是有CU（跟大嫂一樣啊！）。要不是我校老師極力希望我參加，再加上學校出支。我才不會去，但非如此，我也沒有機會遇上她。但是其後的種種原因，使得我們的關係"泊"索迷離，很飄忽…
我很希望有幸跟你倆位交換意見，也最想聽多點你們的相愛，如果你或加上Christine能願意聽我說一點話，願你們與以下的email address跟我聯絡。就當大家交個朋友。

joseph_tsang@rocketmail.com

大佬wind，其實我只係差唔多十八歲，我諗上面嘅請求會係幾過份，所以我都只是求個奢望。
有個問題好想問大佬你啊，你呢…係唔係廿九三廿歲到，大嫂最大應該係廿六歲或者至廿七歲呀？！我有啲好奇。同埋呢…你太口語化，我有時睇吓睇吓，唔知係我唔係咁識睇口語定係你有時打漏字。變咗有啲句子我睇唔明，不過oveerall 好精彩。

剛剛睇完，十卜十卜
排第三
但係大佬wind 怕唔怕 wind 嫂返睇到呷醋?                                                                                                                                                                                                                                                                               

等左成個月....終於出la.....
support....                                                                                                                                                                                                                       

其實我想知 n年前既對話仲可以記得既?
繼續支持 wind 哥 寫故事!!!!!!!

wind哥~
我由u仔追到你黎呢度嫁~
快d update la                                                                                                                                                                                                                                                                               

頂，頂，頂

加油，加油，加油