最近我都成日用瓦煲去煮野, 貪佢可以保持好耐熱力, 令 d 食物唔會好快就凍晒

我都唔敢話開猛火去燒佢
只用中細火

但係唔係用耐左之後, 有朝一日都煲煲下突然裂開?
如果係咁好危險
係唔係一定要用鐵線會保險 d ?

你用邊款瓦煲? 我見市面有多款不同的瓦煲, 有唔同的泥或沙, 有d可能混合金屬物質(我估的),  我最近都想買個沙煲做鮑魚, 唔知邊款好

如只為存熱的, 其實混合金屬物質可能唔易裂, 我有一個受極粗暴的對待, 都冇裂, 但是, 我聽說沙煲煮的餸會好味d, 所以想買個沙煲, 不過沙煲就好易裂lor!

呢個就係受我極粗暴對待的瓦煲

我估樓主講既係呢類瓦煲，我屋企有三個唔同款既。其中一款兩耳大鐵線瓦煲，就有師傅用黎蚊鮑魚。

我個煲湯鐵線「雲鼎」今日報銷了。
今日煲煲下湯個煤氣爐BB聲，自動熄左火。
我唔知咩事，再打番著個火繼續煲。夜晚屋企人飲晒湯洗煲先發現個煲底有個環形裂紋，有一個位仲明顯有滲漏被燒乾的湯漬。
唔知係唔係個煲漏水令個煤氣爐自動熄火呢？
個煲已經俾阿媽Dum左，用左唔夠兩個月。好彩只係48元個。。。

睇黎真係有一定的危險


如果唔係漏咁簡單, 而係煲湯時突然崩堤咁崩法,
就一定會燒傷腳了

漏左 d 湯入爐頭中, 都要盡快拆開黎清潔

我另一個兩耳鐵線大瓦煲(佛山石灣普通煲，唔係強化煲)琴日終於俾阿媽用大火煲到個底有個圓形裂紋再加兩條煲邊垂直裂紋。我已經叫左佢唔好咁大火，但係佢成日唔記住。
沿住裂紋位出現啡色焦漬。
你估仲好唔好用落去呢？定係dum左佢？

dum左喇，其實幾可惜架，個煲仲好新淨，個蓋完好無缺添。
今日又忍唔住買番一個大砂煲，60元。有冇人都用緊呢d傳統大砂煲呀，點先唔會煲裂佢呀？

浸緊生粉水

我估用之前要浸下水
同埋唔可以開大火, 盡量用慢火