話o左唔好去集團式酒樓食 之 "又一棧"
小弟有一怪癖, 就係從不主動光顧集團式食肆, 因為領教得太多!!~~~~
但家兄就非常喜歡去, 因為佢喜歡去門又高, 狗又大o既地方用膳!!~~~~
今次佢揀o左又一城o既"又一棧", 呢間我n年前幫襯過一次之後, 立刻列入黑名單,
估唔到今日舊地重遊, 一切比從前更差!!~~~~
先講環境 :
一個字~~~"迫"~~~
再講服務 :
叫做好誠懇o既, 個個員工都非常好禮貌, 值得讚!!~~~
但每個菜上檯時間相隔非常不一, 最長廿五分鐘!!~~~
講番食物 :
真係~~~~~
醉雞
有酒香, 但雞唔靚, 連髀位都可以有d"鞋"口~~~
雞皮浸到就霉晒, 全無咬口可言!!~~~
素鵝
呢個似d樣, 仲係用煙薰o既做法, 好有煙香味, 幾特別!!~~~
紅柿什菌川雞湯
小弟孤陋寡聞, 成世人都未聽過有個咁o既京沪菜!!~~~~
又係好簡單講完, 鹽水一煲!!~~~
鱔糊
嘩!!~~~~韮黃起渣, 鱔肉完全冇爆過, 淋pet pet!!~~~~
加埋個"獻", 變"老少平安"!!~~~~
椒鹽排骨
即係椒鹽豬扒, d肉"o拿"到霉晒, 兼夾鹹到苦,
根本冇辦法一次過食晒成o舊, 要一啖肉, 一啖水!!~~~
上湯豆苗
無可無不可咁!!~~~~
但最精彩o既係, 個幾條同早餐食o既火腿一樣色o既"金華火腿"!!~~~~~
我今次冇影相係明智o既!!~~~~
