媽子愈來愈孩子氣
媽媽結婚到上年做足廿幾年全職主婦
上年開始出返黎做野, 而家好多時都同D同事去玩
出街食飯,休息時約同事去唱K去行街

以前一直都係佢係屋企等我地放工放學
有人係屋企主持一齊, 而家就人人都出哂去

我明白要媽媽主理屋企係自私左D
不過而家就覺得佢好似變左心咁... ... 只係喜歡D同事
休息時又同同事傾電話.... 同佢行街佢都係同同事講電話講公司野講做緊咩
我知道佢係同事方面有被重視同應同既好感受
但同時間, 我仲未調節到自己既心態... 唉.... 十足情人變心唔重視自己咁

加上媽媽近期講:我都辛苦左咁多年啦, 做下自己喜歡既野%B

你媽幾歲呀?
佢以前係屋企等你放學返學都做左好多年啦
比佢有自已既空間有乜問題呢
而且你都識得照顧自已   唔需要令媽媽粗心啦

樓主﹐你話你啊媽都做咗廿幾年主婦﹐都功德圓滿啦﹐你而家仲唔識自立啊? 下下要啊媽照顧啊??
打理頭家你都有份架﹐唔好指意晒你啊媽啦﹐佢有工做有寄托人開心你仲想點?
唔好甘細路仔啦。

唔係要媽媽日日錫, 家務一向都係人人有份, 我都明佢有朋友係好

只係佢而家好多時都係同同事出街
唔講聲就去到十一二點.... 我地去街都打個電話通知唔食飯
可惜佢係等到八時搵佢先講去唱k唔返...

我知道佢有出去識多d係好事, 又可以輕鬆下
但有時係感到佢好似去哂d同事到, 問佢同事d野, 佢只係 "同同事羅"
係邊個同事都唔講得.... 以前媽媽去學野時都講下個同學名,
而家就好保護個同事....

感覺相比屋企人或者連佢自己十幾年既朋友都無咁重視