各位6-7個月的BB, 想同大家一起分享一下BB的發展進度及生活節奏:
名字: 圖B
性別: 男
年齡: 剛好七個月
特性: 好動
各項技能:-
翻身: 學識了翻身, 常翻身爬起, 以手撐起上身, 抬頭觀察四周.
睡姿: 喜歡打側睡, 而且多數打側睡, 最近更伏睡!!
坐: 未能坐穩, 只維持數秒而已
企: 未得, 但腳有力撐
行: 更加無可能
手部: 懂自取物件, 懂由一手交另一手; 有時隻手會好似挖痕咁, 四圍挖o下挖o下
說話: ee or or, 多種音, 有時一個音拉好長氣咁叫...., 其他音如:爹爹爹.
嚐好: 食手指, fing手fing腳, 狂踢腳, 食腳指, 扭動身體, 大叫, 玩口(扮哨香口膠)
食: 已轉2號奶, 好大食, 每4小時食180-210ml, 一日4次. 勁鍾意食粥仔, 可以好快食完180ml粥仔(即一小碗), 即刻再食180ml奶, 不太願飲水.
便: 小便正常; 大便較困難-成日要人抖至肯疴, 而且要隔1-2天才大便, 多數較硬, 是實的條狀便, 好臭.
社交: 對個別某些陌生人會抗拒, 對未見過的人會眼金金用懷疑的眼神望人; 有時會扭你等佢玩, 一行開就咸! 會摸你面, 你同佢笑, 佢會笑返回應.
玩: 最鍾意玩跳舞, 經常會大笑, 笑出聲: "哈哈hihi....", 跟住表現得好唔好意思咁, 擰轉頭, 伏在你身上笑, 之後又望o下你, 又再笑.
請大家可再加其他item, 一齊分享....thx!
