其實個BB係自己既，我覺生男仔或女仔都一樣咁鐘意。

尋日星期日，例牌又要山長水遠搭車，入元朗同99 飲茶 (我住柴灣)。(我都唔鐘意食果茶樓D野, 99專叫D肥利油炸野...好難食，次次食小D都話唔比面，好多次食完去toliet 忍唔住嘔......話去飲茶其實係陪老公入去，試過因為有時工作關係，入唔到去飲茶，99 同我老公講，我地結左婚，唔同晒唔理佢)

尋日，99 話佢老爺 (即62個阿爸) 生仔先，佢 and 62又係生仔先，佢話信唔信丫拿，佢敢打賭我個B一定係仔 。唔知點解，我聽完好唔高興 (不過沒"興"出面)，只係細細聲講左句，我一定唔會自己個BB黎賭。佢口話生仔生女無所謂，其實恨抱孫仔恨到出汁。

唉，我99仲叫我第9個月好煲定D薑醋，可以比佢第日派比佢D街方，我都唔明，我生BB，點解要咁辛苦，煲埋D薑醋請D 3 唔識 7既人食~~
Mud D 薑醋唔係比個媽咪補身嗎? 我同我C6講，我唔會幫99煲薑醋，佢要派街方，佢自己煲，我又要返工，又要生BB，第日仲要揍BB (打算餵人奶)，唔使旨意我幫佢D街方煲薑醋，重要我山長水遠入元朗比佢。

唉~~~世上只有媽媽(自己呀媽) 好~~快做人呀媽，更加知道要孝順媽。
人地呀媽，咪當你生仔機器 or 工人............

算啦!! 10個有9個老人家都想抱孫仔ga 啦!! 我老爺奶奶都話仔女都開心ga, 但男孫更係好d ga 啦!! 但有時呢d, 冇我都冇辨法ga喎, 有孫比佢抱咪算好囉!! 咁你又唔駛為呢d唔開心!!

另外, 我覺得煲薑醋的事, 你可以叫你老公同佢阿媽講, 你冇時間煲, 因為要返工; 咁叫佢自己煲返,咁比返錢佢囉!! 如果佢都唔肯, 咁咪去八珍買d現成囉!!

仲之而家要盡量開開心心, 呢d事咪睇開d囉, 鐘意聽咪聽, 唔鐘意聽咪當時運高聽唔到囉!!! 最緊要你老公企係你邊咪得囉!!!

薑醋唔係99煲既咩 點解要你煲

唔好理佢, 到時佢自己想派街坊咩叫佢佢自己買番黎派到夠

你依家最緊要係保持心境開朗, 其他人既說話唔駛理

最緊要BB健康就得啦

呢D根本就係奶奶做架啦
真係痴線
已經陀緊佢地個孫啦
仲要自己煲埋呢D野???
你係奶奶 有冇用個腦諗清楚D
個新抱都特登山長水咁遠入元朗同佢飲茶
做長輩講野都唔識分串
呢個世界永遠都係自己阿媽好架喇...現實真係殘酷

我奶奶個時仲衰啦,我daddy問佢我坐月個時係咪佢會黎照顧我同煮野比我食,點知我奶奶話佢自己乜都唔識,以前生我老公個時坐月都係佢奶奶整既,所以唔識~咁我話唔緊要啦,咁你煲薑醋啦,唔係12朝個時冇得比d親戚,佢又話唔識,叫我自己去買八x個度買個d薑醋卷去派比d親戚,我勁無奈~~咁你話唔識,我當然唔會迫你做啦,咁我後母都好樂意做呢d野,只係我覺得佢做人奶奶唔係話一句話唔識就大哂囉......,後來我姨媽幫我煲左薑醋,佢竟然搞笑到叫我姨媽拎去比佢個邊d親戚囉......

有孫抱就抱啦,要求多多~~
樓主你真係講得岩,只有自己媽媽好......好彩我後母都對我好好,比親生女更好~~

(自己媽媽係最好),我感受至深,絕對同意,特別我最近
生左bb後,成日對住99,幫唔到手不特止,又意見多多,又唔衛生,
唉 第日返工都唔知點比佢湊,我都同我老公講,以前成日覺得自己阿媽煩,
而家先知佢係最好,所以要好好孝順佢

係咁家啦 唔係親生 總之佢唔煩我就最好 最唔鍾意成日羅我個囝同人地的BB比 又話遲學行 又遲生牙 乜都鬥 個個係我個囝 唔係佢個囝

你99要派煲薑醋就叫佢自己煲,呢D野唔係你做既,睬佢都有味!