突然一天發現了他在外邊有了一個女朋友﹗那我算是什麼?家中的囝囝又點好?

我曾試過放棄,他不想....亦不捨得...,但同時對方也不放手....在我們拖拖拉拉其間,我終於忍不住...了結自己的生命...﹗
很辛苦...我竟然忍心放下囝囝,自己食藥加燒炭....後來他救了我的生命...但救不了我的心﹗現在他沒走,還在家裡,
但在我心中,他其實從來沒回過來。

真想知單親媽媽我能否做到嗎?囝囝又能接受到嗎?好驚他唔開心會學壞....我的眼淚從上年11月23日流到依家還沒有停,
現在我又有官非在身(自殺剩餘的藥).....唉...呢d日子幾時會完結呀...以後我要點好呢??

唔好亂諗~~~努力為囝囝做人

日子一定要過,好唔開心,難過,唔知點好...好似冇人幫到我

令自己走上絕路,知要做什麼,怕自己做不來

男人是否都是這樣??我跟了他咁耐,他說想生仔,我不想,但都為他生了出來,
共同經歷了好和不好的日子,現在又點...人在身邊又點?心都不屬我了...

不要輕言放棄生命
愛情並不是生命既全部
而且你仲有個仔, 難道你想做一個唔好既媽媽嗎?!
就算你到最後都可能會無左個老公
但唔代你咩都無, 唔代表你一切都完結
呢個世界仲有好多人關心你, 愛護你, 保護你
而且仲有好多野等住你去做
積極面對, 逃避係解決唔到問題
祝你有一個快樂既人生.....

口口聲聲為兒子...
但...
我想問...
除左自殺...
你做過乜野?
你講得出忍心兩個字...
就唔好同我o係度問你老公當你個仔係乜野!
你又當你個仔係乜野?
可犧牲?可放棄?
去到呢個位你仲問緊冇左你老公既世界會點...
你唔問下你個仔:佢老豆走左,佢阿媽自殺...佢應該當自己係乜野?佢個世界又應該係點?
你死得成,你老公走得成...佢要點諗?
好彩既俾個男人養住...成世做人地"油艇仔"好過癮?
唔好彩既,做個有老豆既"孤兒仔"...

我當你廿歲人,都仲講得出唔識照顧自己...
先不論你既自我照顧能力同負面情緒處理能力...
咁你想個仔點照顧自己?
你自己就有資格問人點照顧自己,有資格要求人地照顧你...
唔通你個仔就冇資格過問?

你老公做第一個不負責既人...
你就做第二個...好一對冇責任感既模範夫妻!
除左牽涉對象唔同之外,你同你老公...有咩分別?
為個仔諗過?唔好笑大人個口...亦虧你而家事後仲厚顏無恥講得出"家中的囝囝又點好?"...
------------------------------------------------------------
你如果真係咁深情咁感性...
唔該你將你既感情分配重新調配...
就算過往你將99%感情投放去你老公,0.5%你自己,0.5%你個仔...
咁而家你就將75%擺落個仔度...25%擺落自己度...
------------------------------------------------------------
至於o個個於法律名義上被稱為你老公既男人...
你聲稱"佢有女朋友"...
我個人偏向懷疑:以樓主咁偏激既性格處理/面對事件...
是次事件既真確/準確性有幾大?
請樓主補充"佢有女朋友"既支持點...

無錯..其實我可勇敢地去面對就可以,但一讀完書無幾耐就他一齊,十年前結婚,現在個仔六歲,一齊左十六年,返工、家務、揍仔全部自己負責,可能我太縱容他,覺得他返工時間長,小假期咪由得他囉,到頭來又有誰體諒我呢??他開頭說是我為了囝囝而忽略了他,後來經過我件事後,他自己都承認是對我悶了而變了心!

我現在想和他分開,但他又不捨走,但又不能像以前般,雖然他說已和出面個分開左,但我就覺得如已變了是回不了頭的,我想要再有自己的新生活....不應再做傻事....和囝囝兩個...我應該得嘅。

想清楚了嗎?知道是很痛苦,但人始終要去面對不要逃避,個仔無左媽媽,他的心會在不健康的環境下長大,以後的事無人知,可以嘗試一下,為了囝囝,一定要加油,如真的不能再繼續便分開....知嘛??

好高興你諗通左, 勇於去面對
有d野發生左就係發生左
如果你真係選擇離開
你就要有心理準備去照顧你個仔
而且仲要留意佢既心理情況

多謝你們的支持,我已和他說了要在我們呢段婚姻畫上句號...~但他沒有答我,只是默不作聲便睡了....

佢同左出面嗰個分開又同左你十幾年，一下子都未必適應自己冇人照顧的生活，你叫他現在怎樣走？除非佢出面有第二個照顧到佢啦.....但係佢同第二個一齊的話又未必再比到膳養費你了,我有朋友就係咁喇....﹗

其實呢件事都發生過係我屋企
不過我ge角色就係囡囡
我呀ba 呀ma最後離左婚
雖然我咁多年黎都唔係一個完整家庭到生活
不過我始終覺得咁對我呀ba呀ma同我係最好ge
因為我唔想係一個只有懷疑ge屋企生活
(我相信你唔可以當咩事都冇發生過)
其實分開左都冇咩唔好
所以你就唔好擔心咁多喇~

只要你有勇氣走下去..
你先會見到前面既路係點架..

可能要重新分配自己既生活有D難..
不過只要一開左個頭..
以後既路就好易行架啦.
希望你有個好好既開始^^