今次係我初次日本自由行, 個幾月前已o向呢度搜集資料及買N本tour guide自修, 編排行程、計算車費及時間...etc. 呢次自由行目的唔係去「朝聖」ge 我就為左睇文化遺產、風景及詾川きよし, 我d friends呢就半「朝聖」啦, 事前已同意左部份行程... 所以呢度唔會有各大名店門口ge相  。 不過大家對收集紀念印章都好熱心, 可惜日本實在太太太.....大, 幾day根本就冇可能cover晒啦, 而且有d印ge地方係好難搵lor, 要ask個站長先知道, 有d出左第2度就去唔番....etc, 所以最後只有20個到, 其中包括JR線、都營線及文化遺產專有ge印章, 我唔知Metro線有冇, 所以冇去搵...。

另外日本d舖太早閂門喇, 大阪方面呢, 除左食堂收晏d外, 其他shops 20:00點就close, 而且好快天黑, 要買野就真係趁早 , 東京就好少少, 不過都係早ga喇, 21:00都closed。 所以我兩個friends想去行department stores、supermarket都唔得喇, 一來裡面地方大, 時間又唔許可啦 , 而我地上晝就去觀光, 都成18:00-19:00點先back hotel, 所以佢地冇咩時間再去行喇, hehe...

此外, 我其實幾想睇電視ga, 不過唔知道why Hotel ge電視冇野睇ge?  d音樂節目係咪要早上or下午先播ga? 返親hotel都冇野睇ga lor... 呢幾日我只係睇左きよし一個5秒ge廣告咋 , o向大阪根本冇其他d特別ge節目睇, 向東京就有得睇下劇, 不過唔係我like ge artists...。我只知道hotel ge電視唔係個個台都收到lor, 有冇朋友可以話我知係咪d 6星級酒店先收到晒所有台呢?

呢段旅程其間有驚、有喜、有失望亦有些少不滿, 留待逐日紹介時詳述

完成喇~ 如果你地就住我呢個trip有野問, 我會盡力協助的~  多謝收看~

10月11號我幫個friend做完伴娘後(同行的2個friends就做姊妹), 果日由朝搞到12號凌晨lor, 我地當然十分累啦...體力未回復  之前help籌備friend's wedding, 我地一d野都未執過... 所以只淨12號可以執野, 因13號上午10:05機..., 即係13號都係好死早起身..., 去到機場已經9點幾lu...



好搞笑地, 我地冇人意識係10:05分機, check-in後...當我地斯斯然去gate時, d空姐們o向電梯口已經揚晒手舉晒牌話最後召集lor , 我地即刻趕死跑去, 上到機已經坐爆人, 不過我地之後原來仲有對couple未上機的, hehe  唔知道why不論跟團or自由行都離唔開機翼... 呢隻係細機o來, 唔...果日d雲好厚, 但天色唔錯ge...



坐左一段時間, 有飯食喇, 有西蘭花牛肉飯及麵豉魚柳飯, 兩款味道都ok呀, 不過實在太多野食, o徙左個冷麵...個甜品我覺得好好食呀  係個cake, 面果層唔係cream, 但好似cream咁軟ge蛋白質地, 唔甜, 最底一層薄薄ge先係蛋糕, 食完一d都唔喉乾




之後又坐左一段時間, 見到陸地喇...望落去有好多山脈...




過一陣, 就見到海喇, 望落海面有一點點白色有條尾ge野, 其實係船o來, 海面上有好多「船仔」lor...




終於都到關西空港喇...不過感覺唔太grand...




落機後要轉呢架機鐵過關...




講起過關, 不得不提一個不滿點... 就係過關時個日本女關員個態度, 話說要用2隻手指套取指模啦, 但原來同香港ge唔同, 係要o禁落去先ok ge, 好似o禁button咁, 初初唔知啦, 我做唔到, 就ask佢o唔ok, 佢只係講日文一句英文到欠奉, 講野又唔望住你ga wo, 個樣又衰好似好厭惡咁...因為之前有幾個外籍遊客都唔得搞左好耐好耐...條友就一直燥底喇, 喂~ 睇passport就知道人地係foreigner, 就應該好耐性d, 外面ge日本人唔多用英文我明白, 做呢個位都唔講or玩野就真係唔掂lor!!!  隔離幾條line d姐姐都有呢d情況, 但人地一d都冇燥底, 仲好好心機教人整, 而且其他維持秩序ge保安及工作人員態度都好好, 好welcome人, 仲不時幫你睇下有冇填漏野....唉~ 真係唔好彩被派去排呢條隊 ...俾我一個唔好ge印象  不過一個人好唔好真係有樣睇ge, 呢位女關員...我祝福佢!

不滿過後, 過關取行李等等需要一段時間, 差唔多要3點幾先出到去機場。 即刻就喪影一番, 不過呢個機場d環境令我覺得有d似柬埔寨ge機場豪華版, d顏色及隔局太似喇....






之後就去左service centre買Limousine Bus tickets去New Hankyu Hotel喇...順便買埋Kansai Thru Pass (3 days), 不過用唔晒lor , 此pass如果用在時常搭bus觀光名勝就超有用, 因好多點都係搭bus方便d, 可惜我地改左唔少行程, 變左搭JR多, 所以此pass留待下次再用, 因此pass一年內仍有效的 。另外提醒用此pass的朋友, 有d景點有此pass時入場費係有折扣, 不過要同日內用過張pass搭車先有折 。




出門口去5號bus站搭車喇, 要俾張飛個抬行李ge叔叔睇,話佢知道你個目的地, 佢地就會幫你放好行李, 上車俾飛個司機就ok。去New Hankyu要1 hour, 不過比原定快左10分鐘到。





去到市內天已經開始黑, check-in後放低行李, 就只能o向市內行行。入左去阪急、Yodobashi-Umeda, 轉眼就出番街天已經黑晒lu, 我影左hotel ge正面呢...hotel d人ge service同格局都唔錯, 既經濟又住得舒適




呢d就係我地呢晚ge晚餐及消夜... 去supermarket買野食時, 如果係臨閂門時去buy, 價錢真係超平呀, 雖然佢地係要清貨, 但d食物依然係新鮮ga絕唔係貨尾...., 所以真係好抵 我個friend話其中Nissin個Milk cup noodle入面d湯真係milk soup o來ga, 只可惜去其他便利店及東京地區已買唔番lu...  




o向Yodobashi扭蛋場抽one piece呢set扭蛋, 可惜抽左N次都抽唔到Luffy呀... 只係抽到Sanji, Zoro及Brook, 連Chopper都只係抽到一隻咋..., 如果各位要上述3個人物, 請pm我啦, 我都唔想o徙野, 蛋紙我有keep的



好喇, 係時候休息喇~ 留待Day 2

第2日, 我地起程去大阪城, 可惜today天公不做美, 落雨, 時大時細... 原本諗住搭JR, 後尾改搭地鐵去谷町4丁目, 係站長教我地咁去ge  其實成個旅程, 問左唔少日本人路, 雖然佢地只會用日文回應, 不過好肯去話你聽點去點做, 我就只能用半日半英同佢地溝通, 總算冇丟日語老師ge架  放低左N年, 依家真係一個好好ge training....






入大手門前後要行過2條城河石橋, 好有古代feel  如果冇落雨肯定謀殺唔少ram




大手門個結構, 我個人好鍾意影呢d野, day 4 ge姬路亦謀殺我唔少ram



如果唔落雨, 一定會多角度影ge... 呢個係入天守閣前一影 (唔緊要, 請留意day 4 ge姬路城啦~ )


2樓其中一個display, 呢度有得租小袖影相, 不過我地冇租~



大阪城有5層高, 不過中間都係展覽, 包括一d以前名將ge盔甲, 不過唔俾影相lor  我個人覺得中國ge靚d, 日本呢d好恐怖, d顏色係黑黑沉沉... 。一入去被指定要上天守閣先再逐層行番落去參觀...。

上到天守閣, 唔係好大,  我地即刻推門出去....東南西北4面都睇到, 因today落雨超大風, 不過風景好靚  如果紅葉時候o來, 就會睇到秋之大阪城, 依家只有微紅...。我只揀左有多少少紅葉ge地方來影....唔好以為易影呀, 四邊有鐵網圍住, 所以要成個人靠到好前先影唔到d網, 不過大家到時要小心d呀~ 我部傻瓜機有wideshot先唔使靠咁前咋...





天守閣一d特色結構




之後就出城啦, 去食lunch, 去番大阪城公園內一家食店食野   我地全部都叫左滑蛋豬扒飯, 超好食呀~





食飽後, 都已經2點幾, 附近雖有大阪歷史博物館, 但唔夠時間去呀, 因我地原係plan去京都的.... 所以唯有next time啦...

之後搭JR去京都...







JR京都站, 我地冇去d department store, 因趕搭bus去寺院果d景點....不過搭bus 100 之前就去左JR站隔離間郵局買郵票, stay左好耐lor, 不過d stamps好靚好有特色(戰績後post ), 我本冇諗住買野都失手喇....







4點幾差唔多5點去到清水寺, 天開始黑喇, 以為冇咩人, 點知道上面N咁多人, 有韓國學生團及日本修學旅行ge學生團N人... 特登來到雖然唔能夠全面參觀又黑媽媽, 但都要大影一番...












又來建築結構





由於天太黑, 被逼離開喇  不過我地居然能夠o向僅餘未closed ge店舖入面買手信, 我買左件Kimono, 真係好抵ga  之後就by bus 206 back JR京都站。



行左陣Porta地下街, 入面賣ge野我冇咩興趣, 因同香港CB差唔多  不過入面有間京名菓ge我就好有興趣, 因為佢賣ge食品手信真係唔錯, 幾好食, hehe  (day 4 我會post的 )

之後back大阪地下食街, 舖入面有幾個嬸嬸好好ge招呼令我地都留下好印象...





back hotel後, 呢批係今日ge戰績



留待 Day 3

今日我地去Universal Studios...yeah~~  唔知係咪未瞓醒, 搭JR時, 搭錯去另一邊ge樂天町站... 不過亦因此而多左一個紀念stamp  我地向呢度用左一日, 地方真係好大, 真係分身乏術... 其中用時間排隊影相啦、排隊玩&睇各唔同展館... 排就成個hour, 玩就幾mins, 不過都係抵ge...時間關係玩左唔係好多咋 , 其中Jurassic Park及Jaws都唔錯 (會濕身的 , 不過唔俾影相ge )~ 加上成個U.S.有晒Halloween氣氛, 一入去就自然會好興奮....






出左站入條大街已經好有Halloween氣氛喇~  呢條街有間好多Kansai食品手信賣, 我地玩完U.S.先再出來買


再入就見到Universal Studios入口


就係因為Charlie Brown咁cute, 我就愛上左佢..., 佢同Snoopy件披同帽係真o野來, 真係綁落去ge, 好鬼精緻ga...



入左場....











中途見到Charlie Brown自己出來, 就即刻去排隊影喇~  記住同呢d人物影要排隊之外, 仲係限時間ge, 一夠時間就截人, 要等下一段時間先再有得影ga  我就係咁miss左同Elmo等等3隻Sesame人物影 , 排隊期間staff會sale你買official影ge photos, 要唔要就隨你啦~ 另外, 如果係2 or 3個人一group排隊, 就只能用自己camera影一張相ga咋....


呢個係特別版呀~ 好好彩我地咁o岩排到, 我地3個人一人要一張official, 所以每人camera有得影一張, 我勁鍾意呢張~  Snoopy係軟綿綿ge, Charlie好鬼cute ga!!!  我勁摸佢, 佢就會怕羞 , 至於個南瓜手杖, 係有重量ga  另加上人物ge服飾, 手工全都好精緻, 真係愛不惜手啊!!!


我地午餐, 在Snoopy館附近的...d薯蓉餅唔錯ga~




其他主題景, 實在太大太多, 影唔晒啊... 呢個時候我地已經趕去玩Jaws果日, 都係晏ga喇, 但d卡通人物真係好吸引ga 冇計啦, 下次在玩過~




最後我地在U.S.買手信, 由於個袋係specially for Halloween的, 所以要另外買ge, 佢地只會用紙袋袋住d野~ 既然咁有紀念價值, 我都買左細ge  出U.S.後再o向呢條街買Kansai手信... 呢度夜景都唔錯呀~


去番大阪地下食街, 由於太夜, 只有呢間未收咋...至於食物..ok喇, 不過呢度唔係禁煙, 我地好快就閃喇....



是日戰績...


好, 留待Day 4~

呢日我早就plan好要去姬路城... 係日本一個重要ge文化遺產.... 不過由於我地昨夜決定要再去京都一轉, 所以把握時間去行呢個大城 , 我個人覺得好直得去ge.... 亦影左好多相... 我地坐車尾, 有機會影車長位情況 後尾落車時先知, 原來呢架車係要回送ga~ 即係會返轉頭~


一出站後就遠遠見到個城喇~  我地選擇行去, 因為天氣好, 又涼爽, 真係好舒服~



未入去, 門口就大大舊石頭講明呢度ge重要性...

以下係喪影之作....







好喇, 開始起行去天守閣喇~  每個角落我都有影~ 唔好以為冇人行, 其中有好多老外, 本地日本人及小學生o來ga~ 途中我地行過一片大草地, 我諗櫻花時候來, 一定有好多日本人邊賞櫻邊野餐, 諗起都覺得relax~









好特別地, 我地每過一道門, 就有一個名ge, 你地有冇留意呢~














我地上天守閣之前, 官方要我地除鞋, 有個地方俾你除仲提供埋膠袋俾你, 真貼心~ 不過因為係全木板地, 如果著左襪, 都幾滑ga, 上木樓梯時, 係45度角斜ge, 有齊觀賞同運動呀~  由於係國寶級, 所以唔同地方都有guard, 驚人破壞d木呀~








終於到達天守閣頂喇~ 呢到有個小shrine, 你可以添香油~ 當然呢度都有guard啦~

其實呢個天守閣頂唔係好大, 四周窗框攔住, 同大阪城果個咁開揚ge好唔同, 要影風景就將部機放出窗先得喇~  以下係東、南、西、北方輪住影...










給埋個登城紀念stamp就落樓喇 &出城...













姬路城真係一個好值得去ge地方~ 之後由於我對京都意猶未盡, 我個friend又要去果度買手信, 決定去多次+睇其他景點~ 由此二條城太早close, 所以去左祇園+裡面ge花見小路... 睇書話藝妓回憶錄係o向呢度拍, 所以我地見到好多老外遊客呀, 連祇園hotel下面都開左starbucks....



因為衹園本身都好多特色野睇, 另我d friends買手信太耐... 所以正式入去花見小路已經天黑&好多人... 我估d人都係等緊d藝妓影相... 我地都見到, 不過係唔靚ge, 只見到一個係ok ge, 不過都覺得佢地幾慘, 一出來就俾係咁影相, 我地同老外們都冇撤停佢地呀, 好似唔係太好, 因為人地要prepare開工嘛...








就係佢喇~



之後就back梅田喇, 我地趁hep five摩天輪未close, 去玩左轉...but我部機之後冇電.... 不過梅田ge夜境好靚, 個摩天輪轉得好慢, 可以慢慢欣賞~


好是日戰績... o向京都買ge任何食品都好食, 係最佳手信地呀~ :smile_40:

呢日我地要離開梅田, 起程去東京喇~ 經商討, 我地決定於品川落再轉JR山手線去Ikebukuro...

離開hotel前撮影...








以下係去搭新幹線歷程~  














到品川喇...




去搭JR山手線~





去到池袋劇場hotel, 唔...我覺得好細lor  3人房只係中間加張床, 2人maybe好d, 至於service都唔錯, 不過係賓館式, 未去到酒店式lor~ next time我會嘗試住sunshine city~ 有關呢間hotel ge地理, 坐正大街度, anytime都咁熱鬧~  但門口其實唔覺眼ge, 我有睇書我認得, 我d friends就掂行掂過...掙d失散....


之後我地去原宿, 搭metro, 因我個friend要去kiddi land, blue label, agnes b, porter...etc, 不過我唔係太like呢度, 因為實在太x10000000000 多人, 同條街好長lor , 累爆......





因為佢地.... 可憐ge我冇得去行表參道, miss左奈良美智ge精品區...



之後於和民食dinner, 估唔到樣樣都好好食, 味道同香港一d都唔同ga~







食飽後, back hotel喇~



留待day6, 我地去築地~ yeah~~

呢日我地去築地食野, 但都冇晨咁早起身呀~  9點幾出發...池袋早上街頭, 今日係星期六, 所以冇上班族~




一去到築地未出站已有魚腥味... 不過真係好易搵, 因為不論各地遊客及本土日本人都來排隊食, 真係好出名呀~築地市場...





壽司大及大和都係要排at least 3 hours, 我d friends話書介紹大和, 決定去大和...



隔住玻璃影入面, 班師傅都不時望出來報以笑容, 有幾個仲搞gag呀.... 人真係好nice  分兩邊, 都未知道要去邊面食ga...


我自己本身唔多食壽司, 所以只食一、兩件及飲湯, 因為太多人o向出面, 嬸嬸都催我地快快快, 我地係呢個師傅serve, 不過好對佢唔住, 因為我地食得太慢, 佢冇咩野做  佢好怕羞ge~ 如果有時間, 一定慢慢嘆及同師傅吹下水... 值得一讚係海膽壽司, why? 因為我唔食ge, 但呢度一d都唔腥, 仲好甜...唔怪得我d friend堅持要來啦~  真係好新鮮~


呢個應該係隔離伯伯個仔來, 我地話要同另兩位師傅影, 佢地係咁指住呢位師傅話:「ボ-ス! ボ-ス!」, 呢位人兄即刻就做post俾我地影 :smile_30:

呢位隔住玻璃時就做V字手勢, 入到去唔肯做囉, 只係笑 :smile_30::smile_30:

o向舖入面食野, 好感受到日本人ge「人情」...不論食客or舖頭上下ge人, 有傾有講、開懷大笑... 之後在市集行左陣...







then去左果欄 :smile_30: 其實係我地行錯路  不過見識到佢地pack生果d箱好靚同好整齊...(其實係閒人免進ge..好在冇俾人鬧... ) 此外提到d生果好新鮮呀~



離開後去左淺草...

都營都有紀念stamp ga~

到達...原來今日有「金龍の舞」ge祭祀, 所以非常熱鬧呀~




雖然有幾家人形燒, 我地揀左木村家, 即買即食先最正!!  所以帶唔到back香港喇~


再行入少少...真係好熱鬧~








舞金龍呀... 之後停左呢, 好多日本人就埋去摸, 應該係好運果d啦~ 我都有摸啦~




之後就有呢架車, 邊奏樂繞場一周, 跟住就派野, 好似係d好運ge野, 但我見d人俾錢ge~


玩完食完就去Tokyo Tower~




只揀左睇景果2層, 所以以下全是景~










其中有pair couple叫我幫佢影相, 我講one, two three跟住影啦, 之後佢地就講sorry話唔好意思, 以為我係日本人wo, 搞鬼~  呢度都好多情侶來, 因為夜晚ge鐵塔係好有feel的~  不過亦因為太黑, 我同d friends又失散... 最後在toilet相遇, 因為果度最光...:smile_30::smile_30: 離開後食甜品~ 正~


then back池袋食dinner~ 呢間野燒肉好正ga~  來自新宿的



聽日last day~ :D

今日係last day~ 我地瞓左好耐... 由於6:30pm機, 我地把握最後時間向池袋市兜兜~ 今日係星期日, 超~~~~~~多人... 行「藥屋」、各百貨公司、超級市場等等ge期間, 我同d friends又失散... 最後因行李仍在hotel, 我就back hotel等佢地~ 好在佢地了解我, 搵得番~

至後起程去上野, 搭skyliner去成田, 離開池袋前影左少少, 中途有議員叫咪...




順道一講, 由於有幾個站封左冇lift, 我地抬住咁死重ge行李上上落落樓梯, 嘩~ 真係好艱苦.... 連d日本人都唔忍心要help我地, 係咁話「たいへんだぞ～!!」

以下係skyliner往成田篇  我地去到上野先買飛ge, 當然之前要上網check time啦, 記住星期一至五同六、日都唔同ga~







我ge午餐, 承惠500yen, 超~~~~~好味呀~


到達成田喇, 丫~ 國際線冇咩人ge....本線就多人d~  check-in之後就梗係o向機場作最後一擊啦, 只發現一樣野係成田機場限定ge~ 就係圖中盒蕉蛋糕喇, 有朱古力味ge, 但原味多人買d...勁多人買lor~  底下果兩盒就o向「藥屋」買, 係香港人介紹ge, 味道唔錯, 似草餅但入面d餡有2隻味, 朱古力味及tiramisu味~ 你地都可以try下~ 我覺得tiramisu味好食d~


之後就back香港喇~ 旅程完滿結束~

以下係印章篇, 我個人覺得係整個旅程最有紀念價值...



















如果大家都有其他印章, 記得話我知點攞呀~ 多謝收看!!

好精彩呀
加油呀
期待你餘下的行程分享

ｄ相好靚．．．．期待中

Thank you for your share

thanks.我下個月都去京版，樓主啲資料都會有用，希望快啲有得睇