頭先同屋企人嘈完交,好唔開心= =
自己一向同屋企人關係好差,每天放工回家,吃過飯後就入房關埋房門,唔會亦唔想同佢地講野。
依種情況持續佐起碼兩,三年。頭先家姐終於同我嘈,話我唔理屋企,想法自私,當阿媽係工人,又
叫我咁巴閉自己搬出去住.............
阿爸同阿媽離佐婚,屋企得我,阿媽同家姐,我一向有心事,唔開心都唔會同佢地講,鍾意自己收埋,
亦覺得好多野都好尷尬唔知點開口。習自為常,之後連野都唔多同佢地講,食飯我一句聲都唔出,
食完自己就反入房,一個星期可能都唔會同佢地講多句十句野。
其實我自己都好唔開心,唔知點樣同屋企人想處,每日最辛苦既時間就係反屋企果段時間,有時真係
寧願係公司開ot.......亦有諗過真係搬出去住。
我依家真係好唔開心,聽日想工都唔反,好好諗下自己應該點做。我都想同屋企人關係修好,
但係我真係唔知點做好,亦唔知點同阿媽講對唔住,因為真係開唔到口......

其實一家人溝通係好緊要~大家互相關心,體諒,忍讓.
就係好多時大家唔肯踏出第一步,日積月累之後變成有隔膜,甚至乎有怨恨.
最終大家都會好唔開心.有時對住家人唔好計較咁多,加油啦!踏出你既第一步.

                                                                                                                                                                                                                                                                                                                                                       

你們放假一家人去飲茶,或者去邊度玩,搞活動得吾得呢                                                                                                                                                                                                                                                                                                                                                       

重有亞媽同家姐一齊住都唔識珍惜，第日你年紀再大d你就後悔!你家姐話得你好啱，係你自已自閉入房先，都唔比機會自已同家人多d溝通，連最親的人都唔識相處，真失敗!

當你失去左一個親人.你才會懂得珍惜.
你可以踏出一步.嘗試同佢地慢慢相處.畢竞她們都是你的親人.即使你做錯了事.只要你明白你的錯處.亦知道怎麼改.她們都會原諒你的.                                                                                                                                                                                                                                                                                                                                                       

多謝你地既意見,我會嘗試慢慢開放反自己。

上面的方法都唔啱你用 , 最好的方法是自己搬出去住 , 感受一下有工人(阿媽),吃過飯後就入房(碗都唔洗)的可貴. 感受 xx 的可貴,  感受 ??  的可貴.
以上的方法要有2個條件,
1)唔可以同朋友一齊租屋住.
2)搬出去住最少6個月,越長越好.
到你忍唔住要搬返屋企的時候 , 你自然會知點做,亦會知點同阿媽講 , 曬一年半載同屋企人關係修好(直得)