如果你同我一樣都会去到郊區的話...最好有中、英、韓版本嘅地圖
如楝坐HIGH 1 火車就預咗耐7:35開車12:08到步....要成4個幾鐘
不過好處就係馮當日火車票尾租雪具同買吊車証會有60%off 真係好平
到步後再要揾番自己所住嘅酒店巴士(HIGH 1 係有4間唔同嘅洒店)頭尾可以相差廿幾分鐘嘅車程
再講HIGH 1 個場.....真係好鬼大 ........由於太大真係唔多方便
下下要坐穿梭巴士.....由於我住HIGH 1 HOTEL
如要滑雪我必須要去另一坐山滑(Valley或Mountain)又要坐13-23mins巴士.....實在太浪費時間
如果你係滑雪高手..嚟個場絕對very good
但係好似我嚟d所謂有近10年滑雪經驗(每年只滑一次)嚟個場真係好難玩
同上年我挑戰失敗嘅札幌國際スキ一有得比
所謂中級雪道就响山頂....至於初級嘅就响山腰同山頂由山腳坐吊車上到頂
要成廿多分鐘
並非之前玩過嘅龍平、星宇咁易玩
至於Casino不去也罷 .......試想想全國唯一可容許韓國人入場嘅賭場係点
好似返咗十五年前嘅馬交咁....又細、又雜
老虎機......基本上十部有七部都比d韓佬韓蟬霸住....一個人同一時間係玩緊3、4部老虎機
賭枱你更加唔使指意行到埋去
離開HIGH 1 時我就選擇由古汗火車站再轉的士到另一個郊區長途巴士站
(所以一定要有韓版地圖).....跟住坐長途巴士返市區(只需2:50分鐘)
至於返至首爾.......................

我2月尾都係諗住去high 1,我book咗住Mountain,咁係未方便d??

我都係諗住去程坐佢果架專用火車(因租嘢有折),回程就或者坐普通火車或巴士...想問如果坐普通火車回程返清涼里火車站,係未都係去番佢果架專用火車嘅火車站坐呀??
或如果回程想坐巴士,你可唔可以提供資料比我,我唔清楚係邊到坐 ...同麻d車時間係點,咁你買車飛時,未要早一日出去買定飛囉,如果唔係點知車時間係點??

ok 到達古汗火車站就向前行揾番去Mountain嘅HIGH 1巴士
至於住响Mountain是否方便....就見人見志
因為無論去邊都係要坐巴士
如果全程滑雪當然好fit tim .....ski house 就响左近
你諗住幾點check out

THANKS........

因我只住一晚,諗住如果去到多行,就第二日先滑雪,就晏d先出番市區...如果第一日已滑雪,第二日已無咩做,就早d出番去....(我唔趕住出市區,幾時出都得)

請問其實high 1除滑雪仲多唔多其他行,如果我第一日12點幾已去到,唔滑雪會唔會好悶,因我見佢滑雪好似有時間限制,我又唔想一去到就即係滑雪,想周圍行影相先,視察環境先,但又唔想夜晚先滑雪,咁你建議我應該點plan好啦??

仲有,聽人講果到好似有"單軌雙騎"玩,有無玩過知唔知係邊??

請問江南區係咪好旺?

因為張HIGH 1火車票尾只限於當日使用
用佢嚟租雪具同買吊車証低好多....60%off
(兩個人雪具+吊車証)好似係大約W68000
吊車証方面就建議你買哂下午及晚間兩個時段....
因為HIGH 1除咗shuttle外吊車就係另一種交通工具
16:30前你可以遊下吊車可先...由Vally經Mountain再去High 1 Hotel
要成三十分鐘......因為High 1 Hotel果段吊車會係16:30close
夜晚可以坐上top of the top 食飯...ok嘅 四五佰蚊落樓
(單軌車)早兩日所見正左維修中

如坐長途巴士的話.....就要响酒店攞定韓版Map
再揾洒店staff幫你打電話去Bus Terminal樹update番個
巴士時間表......2:50mins就到達東首爾
落車跟大隊行....之後會見到(江邊214號站)

嘩,好彩你話比我聽張火車飛要即日用先有折咋,如果唔係到第二日先想玩時,攞出嚟用先知,無折就唔底啦...真唔該哂你

想問你68,000w係未包哂兩個人租雪具+兩個人吊車証,依個價折咗末??同麻依個價係未兩場價(下午+夜)...如果只買下午即係幾多錢,個時間係幾點至到幾點?

想問纜車係未有兩種,依個價錢係未兩種都坐得,同麻如果坐纜車上咗去,係未唔一定要滑落嚟,坐返纜車落嚟都可以架,因有d場,只比上唔比落,如果我上到去,唔敢滑落嚟,又唔比我坐番纜車落去,未大喎....

單軌車裝修緊呀,咁大約位置係邊,易唔易搵到(因可能到時整好有得玩haha)

W68000當然析咗啦
原價十幾廿萬 E個價已包(2人雪具、下午+夜晚吊車証)
張証係包晒所有吊車、纜車
自由坐上坐落都得....你會見到有同胞著西裝皮鞋上山觀光啦
上到吊車你自然會見到"單軌車"

嘩...咁真係好底喎,除番開一都係200蚊左右,超底....

咁想問,如果想租麻雪褸同雪褲有無得折,同麻果到有無得租雪鏡,知唔知租依D又要幾錢啦??