我今日真係好唔開心，可能大家會覺得我好幼稚，但我咁大個女見咁多份工都未過遇到咁既人 ...  

咁原本我係上個星期四見工既，咁後尾佢地打比我話我知個經理好唔得閒 ... 咁約我今個星期一

其實我係屋企入到去見工果度要二個鐘頭車 ( 轉完又轉 ) 咁可能大家覺得點解咁遠都見，我都只係求一個希望者，入去一來一回要成三十幾蚊 ... 來回又要四個鐘頭 ...

咁都 ok 啦~佢約我四點鐘，唔同我講幾多樓，叫我同門口個保安講，佢就會安排 ..

咁我今日準時去到，個保安叔叔係黑晒面咁問我：你知唔知以家幾點呀？

我咪話：以家四點，佢係約我四點鐘 ( 我唔覺得有咩問題 ... 原本我係預左少少時間可以早到，雖然我自己都睇過地圖，但我真係唔係好識路 ... )

保安繼續黑面：你自己行上正門大堂等啦 ....

咁 ok 啦，我自己行左去正門，點知度門原來係鎖左，我根本入唔到去，咁我唯有係門口等，等等下有員工返，我同個員工講我係約左 x 小姐來見工既 ...

點知個姐姐又係提高八度咁講：我唔可以比你入去家，你等下啦 ...

直到我終於見到門口既接待返左來，佢見到我，又係全程黑面係咁啤住我：你搵邊個呀？

我咪話我係搵 x 小姐見工既，之後個接待先打電話上去話有人見工 ...

接待小姐話：你原住樓梯上，或者會有人接你 ...(原來係無人話過比 x 小姐聽有人來見工 )

咁我上到去， x 小姐就叫我坐低填 form，咁我填完佢又要我填份 test .... ok 啦~~填完佢都收埋一坐就已經九個字，我已經由微笑等到無表情 ( 唔好話呢 d 係考耐性 ) ...  

又有個小姐行埋來話唔記得比份 test 我填~~ ok 啦~~我又填多一份啦 ... 之後又等多半個鐘 . ... 其實我好想同佢地講，不如你比返我份資料我，當我無來過啦 .. 又無人

但我就聽到佢地既員工都幾大聲話：咦？ 點解仲有個人來見工既？
     ............咦咦?? 佢坐左好耐喇喎？
     ...........咦咦?? 個經理好似已經走左喇喎 ......
   ........... 咁點呀？ 邊個 in 先？ ...........

咁等多五分鐘，又個唔知乜水小姐走來 in  ... 其實我都已經咩心情都無，仲幾差果隻 ...
佢就問左我好多無聊問題 .... 由頭到尾都無講過待遇時間等問題 ... 佢話呢 d 要由返經理去講 ...

之後話出去搵經理，點知返來既時候話：
唉唷，真係唔好意思 ... 我地個經理真係好唔得閒，或者我地打比你再約個時間 ....

sorry ... 果一刻真係火都來埋話 ... 你唔洗打比我，我唔會再來 ....

其實我真係未遇過咁既經驗，真係令我好失落同好唔開心，一來我真係有心來見工，好似比人玩咁 .. 一來浪費我既車錢同時間，同埋仲要遇到呢 d 咁既人 ....

我知道見工唔一定話見得成，但呢個係我遇上最差的公司 .. 佢唔係細公司來的 .. 係一間大公司連鎖式集團 ...就算請都唔會做 ... 只係等見工 ... 都要我四點左右等到六點 ... 我真係覺得好過份 ...

仲要等到最後話無時間 ( 或者真係走左 ？) ...

我真係想話 ：一句唔好意思唔係大晒家 ...

sorry~長左少少，但我真係好唔開心，希望請人既 ... 拎返自己既良心出來對人啦 ....

借問聲你係咪去左報館呀？

lz真慘.........................
請問你見咩位???

算啦   有d人係咁架啦  似住自已有工做  就睇唔起無野做既人
過一排無事架啦  放心  但唔好為左黎件事而放棄

小事來的，我會支持你的

果間公司的確幾衰....咁對人....
樓主唔好唔開心....支持你

我有差不多的經歷.. 一年半前有銀行約我見工, 見5:30pm, 我早到 約3個字.
正常知道有人見工, 都會安排好地方等等..
咁我去到, 過一陣間有個女人來in 我, 同我傾下計等等, 之後比份form我,叫我做完打比佢, 做完我咪打電話比佢話我做完, 但打極唔通....再打..終於 再過30分鐘後佢先黎收, 就話唔記得左我黎見工tim.
好啦, 收左form, 傾一陣  話比份卷我, 份卷會做10分鐘, 之後黎收返..
咁我做完咪等佢收, 點知好耐都冇人黎, 最後我又打電話比佢, 再過半個鐘後佢先黎, 點知一黎就同我講" 唔好意思, 間房有人book 左, 你現在即刻走"

火到黎, 一間銀行的hr, 都可以用咁既態度來in 人. 我見朋友做那間銀行, 我都投訴佢地的hr 有問題..