標準地產代理佣金表:
1. 0 - 1,500,000.00 0.50%
2. 1,500,001.00 - 4,500,000.00 0.35%
3. 4,500,001.00 or above 0.25% or 自己諗
呢個佣金對地產代理來講已經係厚利,大家千祈要好好保護自己辛苦賺回來的金錢,唔好俾人隨便同你分身家。以後你地簽放盤紙或者睇樓紙時,記得寫佣金為0.25%,之後佣金應否有得加,就係後話。 就算有乜爭拗,要賠佣都係賠0.25%。
你地知唔知地產代理舖位既租金,可以拍得住旺角銅鑼灣地舖租金,但係佢地用既舖位係二三線地區既三四線舖位,呢D舖位唔租俾佢地,而租俾七十一或者其他零售租客,最多只可以收三份之一或者四份之一租金,所以點解呢到有D人成日話自己唔係代理,但係佢地又好緊張你地要俾足佣金,大家估下佢地係咩人?
最近大家有冇睇新聞,新光戲院月租都係二十萬!!!!!!!
請大家多 D 回覆,等多 D人見到呢個post。 前一排有D地產代理日日開 post,日日問D無謂問題,佢地想點,大家諗下!!大家可以隨便轉載到其他討論區,等多 D 人睇到呢個 post。
我對地產代理都有野講,如果你地想多D人工,就應該自己組成工會,自己去爭取,爭取合理工作時間同合理工資[例如頭二萬可以分15%,我覺得唔過份],而唔係同市民分身家。你地同人地分完身家,班發展商又同D代理公司分身家,收你地超級租金,係一般舖位三四倍租金,咁即係話各位小市民又係同班發展商打工,原來咁容易咁隨便可以同班市民分身家{特別係中下層小市民},你話班發展商點會同班地產代理客氣。 大家知唔知一線代理舖位旺市時可以過千萬佣金營業額一個月,如果你係發展商或者舖位業主,你會收佢地幾多租金一個月?一百五十萬?二百萬???就算一個三線地區三線舖位,都隨時可以收十多二十萬租金,你話班發展商有乜辨法唔發達!香港有乜辨法唔變成貧者愈貧、富者愈富社會。 其實歸根到底都係班市民無知!!
我仲有 D可以同大家分享下。 唔知大家有冇留意,有間上市地產代理公司,股東回報率竟然可以達到9至10%,大家知唔知有D上市研究高新科技既大公司,股東回報率一般都只可以達到3至5%,但係佢地每年投入做開發同研究既資金隨時可以數以十億計。點解投入咁多錢咁高風險既公司,股東回報率都比唔上一間咁低水平地產代理公司呢? 仲有,呢班代理公司既高層 [乜乜經理乜乜董事,佢地係咩水平,大家心知。] , 佢地真係唔駛做都有高薪收入…. 所以點解班 agent成日都將做deal同……………………………!!,我冇講所有agent都係咁,但係咁樣只係反映一件事,就係佢地賺緊係easy money。 而且仲係哩班人分完easy money之後,發展商又收完超級租金之後, 剩番落去到分俾股東都仲有 9-10%。 你地話,大家錢使得幾怨枉!!!
好喇,點解佢地可以賺easy money呢? 有下列二點:
1. 原來香港人口當中,到今時今日,依然有70%以上人口係中三學歷或以下,要佢地明白一份看似複雜而又有法律效力既臨時買賣合約,佢地唔知從何做起。份合約上面有英文字喎,唔好話解,讀都唔識讀!!地產 agent 就係利用大多數市民無知,而從大家買賣樓宇過程中到佢最大利益。
其實大家要明白份臨時買賣合約,一 D都唔難,你住份臨時買賣合約,求其搵間似樣律師樓,然後book個律師一兩個鐘頭時間(駛一二千蚊),叫個律師由頭到尾講解一次你聽,我保證你物有所值 (如果你真係乜都唔識的話)。
2. 班小市民成日以為樓市升十個八個 %係好容易既事,唉,個個發展商年年都係咁講,連沙士之前年都係咁講,你地咪真係當佢樓神先得架,你真係當買樓係買仙股咩,呢個係完全錯誤觀念。 好勒,就算你好彩,可以賺到十幾二十個 % ,你知唔知你係在炒孖剪(借銀行大量金錢既情況下) ,冒極大風險情況下去賺果十幾二十個 %(如果有的話) ,如果你買完樓之後一星期,發生 911 or worldwide pandemic disease,你估你駛唔駛吊頸?? 既然D風險全部係你頭上,咁點解你會咁隨便俾人賺到 easy money呢?? 呢種情況其實反影香港人當中,好多人好無知而又貪婪,其實係香港人悲哀!!!
上述係2007年六月至八月間發表,唔知大家依家睇番,有何感想?