唔知呢度有幾多人試過我咁既經歷...容許我係度發下up風 唔岩聽唔好介意 見諒見諒 (其實我多數係足球果版留言)
當我上星期五放工見行過馬會 我第一時間反應係 唉~ 自己無買 佢就開呢d number (因為當時知道自己張10期應該已過, 當中有部份係自己生日日期)
我果陣都係以為自己錯過左3個字或者3個半字, 因為除左生日日期, 我唔係好記得其他既係買左咩
但係當晚返到屋企, 睇多次張飛,
一對竟然...
唔係掛,
14+15+19+23+24+25+2 中左5個半字!!! 即係2奬
我即刻上馬會個網, 係度數番10期, 睇下自己張飛仲有無效, 睇下自己有無數錯
頭奬無人中,
二奬一注中派160萬, 我買覆式 唔知係收一注2奬定點, 但應該都有
8,90萬啦
就係爭果
3期, 我就同
80幾萬擦身而過...
我 係一個廿歲出頭既o靚仔, 屋企又無乜錢,
幾十萬對我呢講真係個
好大好大既數目, 呢世仔都未見過, 亦未必儲到咁多錢
不過都可能因為呢個數目對我黎講真係太大, 太遙遠, 自己都無諗過會有機會中到
我既心情竟然係出奇既平靜, 好平復 只係上網同朋友呻左幾句, 講左幾句粗口 係咁多 (有可能係傷心到唔識嬲, 呆呆地 我自己都唔清楚 )
但比起我以前幾千蚊賭場波輸左 我反而無咁激動 我果晚同朋友傾左陣都去訓 (我仲訓得著 )
當然, 我唔開心一定有, 亦都有諗過如果我有左呢筆錢, 我可以點,可以點,
可以買車, 買好多靚衫, LV, Gucci, 咩都買, 仲唔洗驚無老婆本...
但現實係我一蚊都無,
咁點...
我有埋怨自己點解唔買多10期, 點解10期過左唔再買, 點解,點解...
我可以一路諗, 一路為呢件事苦惱, 一路轉牛角尖
但係我無咁做, 以前輸左場波 2,3千蚊一場, 我可能會好嬲, 會唔開心幾日
但係我今次好快就無咁既感覺, 相反我另有一番體會:
第一
我可以認為件事係絕望 個天點解要咁玩我 呢d機會一生人都唔知有無下次
但我亦都可以睇成係有希望, 我十八歲之後買六合彩都有4,5年, 最叻仔都係收過1,000蚊 點都無諗過自己選既number係會有機會開得出
今次就話比我知係得既, 唔中只不過係timing唔夾, 都係一個好大既啟示
第二
我其實一直都生活得唔係咁開心, 工作唔係咁順利, 同同事唔多岩key, 屋企關係又唔多好
但我咁諗, 既然8,90萬好似
"無左", 自己都覺得其實無咩咁值得去嬲, 去苦惱
咁其實平日一d所謂會令自己唔開心既事, 既人 又係咪真係有去記, 去憎恨, 去埋怨既需要呢?
我一諗到, 就覺得無, 再沒有了
雖然返到公司, 總係會同唔岩既人有唔自然既感覺, 但係我應該從此學會睇開
另外我都主動同我反左面既屋企人傾番計, 感覺都唔錯
第三
今次既事令我工作時更加投入, 亦令我更加下定決心要做到下份工, 目標更清晰
我會更加努力搵錢, 當然六合彩呢個
"長期鬥爭" 我一定唔會咁易氣餒
而令我可以繼續作戰落去既, 就只有捱, 捱就有糧出, 就有錢去買呢個希望
(當然唔係傾家蕩產去賭, 我唔係鼓勵人咁做)
但只要我有得玩, 就有中既機會, 就有希望
今時今日好多人投資失利, 損失慘重, 失學又失業, 股票無左大半身家
係 真係好慘 我唔敢講我慘過你地
不過一日仲有能力, 有工做既仲有份工, 無工做既有手有腳一樣有謀生既能力
咁就仲有希望
如果你選擇埋怨, 就咁就停低, 你就再無機會翻身, 你要向前行無人阻到你
相反, 你要停低就邊個都拉你唔郁
我都想過埋怨, 想過好多負面野, 但咁係有用咩? 係無
我要中奬, 我就要去買 同樣, 我要去買, 買咩number都無人阻到我
我好相信我呢世人一定會有再有機會中到
頭奬 或者
二奬, 只係時機問題
我會去實踐, 去主動爭取, 今日失意既人都唔好氣餒
好老土既一句, 你肯買 就 50/50, 中抑或唔中, 唔買 就等於0
今次比到我既啟示, 令我以後做事, 睇野都唔會再咁負面, 某程度上我呢幾日仲過得幾開心
大家都要一樣, 今日唔開心就望聽日, 今年唔好就望出年, 出年唔後就望後年
一個廿幾歲無見過風浪又好想中六合彩頭奬既o靚仔 03.03.2009
p.s 我係1月29日買10期六合彩, 2月26日第13期開出左我其中5個半字...我依家都唔sure自己如果中係應該收幾多
anyway, 下次努力過