澳門人係咪唔鐘意香港人?

我一入到澳門境內
啲人啲面口己經變...

搭的士, 開頭又話廿蚊去到目的地
但最後要成五十幾蚊...真係老屈...

問佢地澳門有咩地方好去又好似唔想答咁
悔氣到死...啲答案又"行"

去食野啲人又係黑面無禮貌
喺巴士站等車, 問左幾個人點搭
一係唔答, 一係扮聽唔到, 一係老點, 一係就悔氣答你

有個男人喺巴士站不停叫我地搭呢架車去邊度邊度
好彩上左車有問司機啫...唔係就搭錯車啦...
落返車, 個男人又話自己記錯, 再教我地搭另一架
點知又係老點...

喺官也街, 問個女人點搭車去venetian
佢話行都去到, 仲指住間起梗既金都酒店話呢間係venetian...
痴線...

澳門啲人真係衰過深圳...
勁掛住香港, 勁想快啲返去囉!

你好彩.... 全部都係D咁既人... 定係你態度有問題..  

金都隔離真係威尼斯人...

你係邊搭的士 , 去邊..??  其實我懷疑你問緊哥D係咪澳門人..

我當然肯定自己態度無問題先會咁講啦
我請問緊人地, 我唔會無禮貌吧~

我知係喺隔離, 但絕對唔會行去囉
而且佢真係指住金都...

我喺氹仔碼頭搭的士去希臘神話
佢話廿幾蚊就到, 所以我地先唔搭巴士...

個男人話佢住澳門
因為我問佢點解咁熟, 佢真係不停講話咩巴士去邊度邊度
個女人我就唔知, 不過佢得一個人, 師奶樣
等梗巴士, 唔似唻旅遊囉

樓主你就比較唔好彩囉，全部唔好嘅野都俾你遇到晒。
不過澳門依幾年真係變左，我以前真係勁鍾意澳門架，仲諗過買間屋留喺嗰邊住架。但係自從開放左賭權同自由行之後，成個澳門嘅氣氛都變晒喇。
我最記得自己第一傻瓜瓜咁去澳門嘅時候，D的士司機都好好人架，好細心咁介紹行程，又唔會兜路喎。澳門人又有友善，有問必答，仲可以食下野傾下偈咁架。但係依家真係完全唔同晒喇。

係囉...我幾年前去...都唔係咁加...
我都有想搬去住既衝動...><
真係可惜

澳門人係咪唔鐘意香港人? ---> 唔會喎

我上次2個女仔響巴士站搵巴士, 有3位太太主動教我地搭咩車, 仲問我地係未香港人

每一種現象產生
都必定有因由

最好事先有些了解
咁遇到咩事都有心理準備

不過做人都唔好太武斷
莫把個別事件當係全人類

我在澳門的經歷不錯
當然
唔可以用幾十 年前比
當時環境完全唔同啦

莫講話澳門人變...

香港人都變唔少...

自從自由行開放後...大陸唔少壞習慣帶嚟香港...

互相影響下...大家態度越來越差

你可能果日碰到Ｄ心情差既人！照計澳門人當香港人係大豪客啦 ,香港人有文化、有修養、有禮貌、又謙虛、又唔鍾意公共場所大聲喧嘩 ,全世界既人都要比面啦！

澳門人好好架喎，係咪遇到外勞呀？