今日主要行哂大部份想去既地方..
同埋儘量行哂佢..唔搭車!!
SO晨早就起身..沖埋涼就去食酒店個早餐..
本身諗住都冇咩好食..
點知仲開心過琴晚食新葡京個自助山!!
之後返房拎埋野就出發了..
首先行下樓下個公園..原來都幾靚~
之後行去塔石廣場影下相..

跟住就去二龍喉公園..

原來對面係"國父記念館"~外形都幾靚..但冇入!!
之後當然搭纜車上東望洋啦~
不過果度真係好靚..必去囉^^

個防空洞唔入好過入..俾D人形士兵嚇親=口="
跟住行返落山..因為行後面返皇都比較快!!
之後就食對面間義順既雙皮奶..
我唔係咁鐘意食..不過男友好鐘意!!
但係行到熱熱地..食完舒服哂><
個老細好好呀..知我地搭巴士..
唱完散銀仲同我地講...
"你地搭巴士俾$X.X就夠嫁啦!!"
之後就搭巴士去媽閣..實在行唔到去!!= =

食左門口個美的雪糕..係蜜瓜味~
THEN就開始我地既廢腳之旅!!= ="
行上西望洋山..點解去?
只係為左影左呢一個景.....

實在超級靚..但行左老連咁內!!
之後行後面落返山..原來快好多=___________="
之後途徑"亞婆井"...唉...
咁仲行過"聖老楞佐堂"..影樓梯+教堂好正^^

仲經過岡頂..

行返去食瑪嘉烈葡撻+檸檬水(檸檬水不要試....)

食完剛好3點..同預計時間一樣!!
之後就搭車去氹仔..又係冇辦法行囉...
起官也街落車..
食左誠昌水蟹粥..我覺得佢地冇話待客特別差囉..
唔可以要求人地有酒店待遇掛!?
(見到有人話佢地好差..SO我先講呢樣囉)
之後食BITTER SWEET既芝士蛋糕同雞蛋布甸!!
布甸唔好食..冇食木糠蛋糕..因為自助山食左!!
之後想去大利來食朱扒飽..雖然見好多網友都話唔好食..
但我居然連俾人呃既機會都冇..因為賣哂= ="
原來更多人搶住去俾人呃...
對面有果間達榮魚翅麵..不過冇興趣試!!
之後行到去龍環葡韻..好興奮><
由天光影到天黑=_____=


之後經佢個花園行去威尼斯人!!
好多蚊..後悔了..之後就跑= =
愈夜愈涷..但果度太靚了..又係咁影...


仲發現左個影相好地方..大家下次可以試下..

係咪好傻仔..哈哈哈><
之後等左好內都冇巴士..最後係搭的士走的= ="
今日去左新葡京同威尼斯人賭^^

DAY 3 行左比較小地方..不過如果想我PO埋..
就努力留言吧~~~~THX

d 相好有意景丫~

好ｓｗｅｅｔ　呀　～

呢d相全部都係用手機影嫁..
相機果d仲靚..不過upload要等好內so冇up~
我影個影果晚都落毛毛雨啊~
我諗擔埋遮影仲靚><