照小弟的非正式觀察，原因如下：

1，因為佢地一日唔離教的話，基本上係團契用係好重要o既生活，大半世人o既社交圈都係係教會內建立，自然教友識教友，天主教唔興依d內聚力強大o既團契生活，好多人彌完撒就去飲茶，平時無咩事都唔會返聖堂，返聖堂都係各自修行，教友唔多識教友，見左幾年連名都唔知係常事，又無相關團體聚會，善會又唔係成日開會同做野，同o個種係教會內建立生活圈o既新教習慣唔同，我地d教友互動都係鬆鬆散散，又點會傳到教呢？

我去人地聖堂，聽下講座，都唔會有人理我咩姓咩名，我地d活動大到無邊無際（教區旗下咩咩中心,物物中心,修院，專題講座，隔離區聖堂.....），就係無咩小圈子活圈，咁樣有好有唔好，係帶新人返黎一個固定o既信仰生活上，唔夠新教有聚合力係事實。

２，基於以上原因，無一個常常open o既團契ready，你就算帶左人返黎，都無組織招呼佢，只會叫佢讀慕道班，但係同人地一堆堆坐低就好多分享同關心o既團體係好唔同，有人會認為feel唔到教會care佢，我地都有d教友係因為咁而走左去基督教。你睇下主日，過左中午，仲有幾多教友留係度？主日平均每聖堂開三台mass，每台點都幾百人上落，兩三台都唔少人啦，但係留底有小組聚會o既人，比例上係咪勁低呢？你每年retreat有幾多人去先，你地自己知o既，我地真係無ready隨時有new comer會點招呼佢，嚴格上，mass唔係招呼新朋友o既。

３，新教非常積極傳教，同信仰中有排它性都有一定程度關係，堅信屋企人拜神係唔arm，返咩咩教係異唔得救，死都要拉幾個入黎教堂同佈道會，只有咁樣信，至有強力推銷自己教會o既推力，反之天主教，對唔同信仰同文化都好尊重（仲好nice），向自己親人推銷信仰真係無咩積極性，反之我地仲會參觀下人地佛堂，去下五教聯合講座，或者同人地宗教比較一下異同。我地又唔會相信，因為亞嬸嬸拜神，耶穌會唔照佢，仲要落地獄。

不過，我覺得咁樣幾好，我欣賞依種信仰多d。其實教會當然知依種建立係絕對性o既信仰有佢一定程度o既推力，但係人數增加唔係教會使命，依個係天主教信念，我好欣賞依種自由，自主同冷靜o既作風，因此我不會選擇基督教。但真係係傳教而言，係有d蝕底。

３.基督教唔係由上至下建立，無聖統制，佢地係由下而上由教友自建立，獨立營運，咩咩聯會之間係無絕對o既上下從屬關係，信徒係支持一間會堂o既重要資源，唔夠信徒，間野真係會摺埋o既，特別係小型教會，因為佢地好多教會都係由平信徒建立，自定執事團（受薪或不受薪），然後執事比錢聘請牧師，又或者由牧師建立，成立執事，加入聯會，無論點都好，依筆建堂，租地方（置業），同薪水，水電煤，攪活動成本，都係信徒經營admin同教友捐募得來o既，有左依種無信徒教會真係會摺o既推力，當然更加須要傳教，增加信眾，什至十一奉獻支持。

反之，天主教係由傳教神父建立聖堂，教區派人黎主持同中央管理，梵諦岡教你道理，培育一個神父順風順水都要至少七年時間（基督教神學院多不勝數，唔做牧師都可以做傳道，幾年攪掂），仲要睇下有無聖召，聖堂入面事無大小都有人打點，信徒只係黎拜神，堂區議會又唔係必要，信友根本咩都唔使操勞，信徒依賴性強（有修女同神父傳教，仲有專做傳教o既傳教修會），少左一種與堂會存亡與共o既心態，又自然少左一種傳教o既迫切性。唔信，你試下去圍村攪個天主教小堂，要有神父開彌撒o個隻播，你估有無依回事？要點攪？攪幾耐？批唔批？你會發覺係impossible o既。最多比你開個基基團，仲要聖堂神父批o個隻。



不過咁，天主教有天主教特色，基督教有基督教特色，我唔想佢變成基督新教。

我諗傳福音始終係天主的召叫，人是回應天主的召叫，而教會只是提供一個途徑去回應召叫。
而基督新教是迫人回應呢個召叫，仲要向唔回應的人施加恐嚇(落地獄、唔得救等.....)
e.g.吳x光，暗黑社之輩比比皆是

我都覺得天主教好似係比較冷漠...
但亦比人感覺自由..無壓迫感
可能每一年成為天主教徒既教友..比起基督教少
因為我地既慕道期長..係正式受洗前要經過幾個時期
仲經常強調如果你覺得自己未ready可以唔受洗
(神父直情話到受洗前一刻先話唔洗都冇問題)
但我覺得就係因為經過咁長時間考慮同認識,所以我地既信德比較堅定
反而..基督教基本上你決志左就已經係教徒
而決志就基本上係每一個聚會中都可以..(甚至我係一個葬禮上都聽過傳道人叫人決志)
以我所知,佢地正式受浸前都要上堂..幾耐我唔知但一定唔會好似天主教咁耐
所以每年入教既人比我地多好多..但人多我又唔覺得即係好...
我覺得最重要你真係認識你所相的..唔係因為俾一時既氣氛所感染而信囉

我自己認為長達2年既慕道期係有個長時間比慕道者認識天主教，而又比教會睇下你適唔適合做教友。
所以我覺得天主教在慕道培育分面較有質素，重質不重量。
縱然如此，每年領洗入教既人數大約2500人，係亞洲地區中單一教區最多人領洗之冠

>.幾耐我唔知

短至兩堂。長者逾年。因教會不同而有不同做法。

但係佢地雖然係快快浸，但係浸完仲好多好密集o既團契聚會同短宣班，查經班，佢地mass production傳道人o既能力好高。（質數，知識同德行另計）。

透過依d漫長而持久o既團契生活trainning，又有導師又盛，每個小組都係一個迷你教會，個個吹起上來也頭頭是道，引經據典，擴堂能力都好高。

相反，天主教友入左教之後....咪入左教law。無架啦。你自修啦。無小組跟進架啦，即係你唔主動，就好易連信仰都無埋。


having said that, it doesn't mean i prefer Protestant's way.
But this is reality indeed.

天主教在慕道培育分面較有質素，重質不重量。< 十分認同
縱然如此，每年領洗入教既人數大約2500人，係亞洲地區中單一教區最多人領洗之冠 <
呢個我真係唔知呀..thanks for telling~

香港港區仲係全球華人最多的教區，所以教廷重視香港教區，更加連續委任香港教區既兩名教區主教為樞機，希望湯主教成為教區第三位樞機

’’’’’’’’我地又唔會相信，因為亞嬸嬸拜神，耶穌會唔照佢，仲要落地獄。’’’’’
講真～大家都係主內ｂｒｏｔｈｅｒ，其實唔應該互相批評～
不過我都想講下～
你ｅ個ｐｔ　亦係新教一直不能接受～
首先就係煉獄既問題
第二個就係如果唔信耶穌都上到天堂既，咁耶穌為我地死有咩意義～
當然有好多ｐｔ同教義係我地新教同天主教都有不同～
只可以話大家身為神既左右手，大家有不同既ｒｏｌｅ～冇話邊個好ｄ　邊個差ｄ既～
正如偉大既陳樞機係積極的，湯主教係內向的～
＝　新教係積極的，天主教係溫和ｄ～

基督的死是為"所有"人贖罪, 而非只為信的人贖罪.

我都覺得天主教好似係比較冷漠...
但亦比人感覺自由..無壓迫感
可能每一年成為天主教徒既教友..比起基督教少
因為我地既慕道期長..係正式受洗前要經過幾個時期
仲經常強調如果你覺得自己未ready可以唔受洗
(神父直情話到受洗前一刻先話唔洗都冇問題)
但我覺得就係因為經過咁長時間考慮同認識,所以我地既信德比較堅定
反而..基督教基本上你決志左就已經係教徒
而決志就基本上係每一個聚會中都可以..(甚至我係一個葬禮上都聽過傳道人叫人決志)
以我所知,佢地正式受浸前都要上堂..幾耐我唔知但一定唔會好似天主教咁耐
所以每年入教既人比我地多好多..但人多我又唔覺得即係好...
我覺得最重要你真係認識你所相的..唔係因為俾一時既氣氛所感染而信囉

天主教在慕道培育分面較有質素，重質不重量。< 十分認同
縱然如此，每年領洗入教既人數大約2500人，係亞洲地區中單一教區最多人領洗之冠 <
呢個我真係唔知呀..thanks for telling~

’’’’’’’’我地又唔會相信，因為亞嬸嬸拜神，耶穌會唔照佢，仲要落地獄。’’’’’
講真～大家都係主內ｂｒｏｔｈｅｒ，其實唔應該互相批評～
不過我都想講下～
你ｅ個ｐｔ　亦係新教一直不能接受～
首先就係煉獄既問題
第二個就係如果唔信耶穌都上到天堂既，咁耶穌為我地死有咩意義～
當然有好多ｐｔ同教義係我地新教同天主教都有不同～
只可以話大家身為神既左右手，大家有不同既ｒｏｌｅ～冇話邊個好ｄ　邊個差ｄ既～
正如偉大既陳樞機係積極的，湯主教係內向的～
＝　新教係積極的，天主教係溫和ｄ～

基督的聖死的救恩是白白分施，唔係為小部份既人，係為全世界既人。
回應hate_china 兄所講，小弟認為耶穌的死的主要原因是讓人感受到佢本來是無罪的，犯罪的只是人類，他的死是話比人知--天主愛人可以愛到去死，他要同人一齊同甘共苦。
一定唔係新教所講救恩只係為信的人，無論信唔信都好，天主都一樣咁錫，有冇犯罪都好，救恩已經比左人la , 世上沒有什麼能讓我們與天主的愛相隔絕