我今年第三年划龍舟
很曬的, 一定要塗太陽油.否則可以買件滑浪用的防曬衣, 我嗰件昨日新城市Royal買, 三百五.
龍舟坐位一嚿木, 划龍舟隻腳要挺住前面坐位借力. Pat pat痛到飛起. 可以考慮買條潛水褲. 我嗰條喺西項碼頭買, 舊年買, 唔記得幾多錢.
唔好着襪, 因為一定入水
白飯魚都掂, 不過我第一次划龍舟, 教練喺沙灘教我地, 對鞋訧入哂沙. 我啲同學仔都幾富貴. 我唔想咁異相, 就跟佢地買咗對潛水鞋. 好貴. 但佢咬住前面坐位嚿木咬得好實. 白飯魚就冼嚟冼去. 同埋白飯魚好耐至乾.
手套, 一定要有! 好重要. 勞工手套冇用, 一濕水就保護唔到. 我甩咗浸皮ar!
帽, 我唔肯帶, 除咗划城門河. 有人帶埋泳鏡添. 唔駛ke, 划划吓, 你就揾到個方法啲海水唔撥入自己隻眼kar la.
水壼, 好重要. 喺個海度, 邊度揾水飲?
我又買咗個潛水用ke 袋, 袋車匙八達通手提電話. 隻艇一定入水, 呢幾樣嘢跌落水或跌落海都好麻煩. 萬一反艇, 就更加揾唔翻. 咁點算? 佢唔平, 廿百五. Cheap cheap地, 可以買個個口夠大ke水壼都一樣ke. 樣衰啲啫.
划龍舟, 好玩. 如果唔好玩, 我又點會玩第三年, 又越買越多嘢呢?
