求救: 有2隻街機game 係80年代, 大家知個遊戲名嗎?

第一隻(唔知好似叫xx 戰士) 我估大約係1983-86年出:   有個著紅色褲既戰士, 由左向右咁走, 拿住個好似流星鎚既物體去打.  在畫面下方有5個空格, 分別係5件寶物,  而每樣寶物拿左可以令自己戰鬥力提昇,  我仲記得拿到第一個係會令你個流星鎚長d,  第二個寶物令個流星鎚大d,  第四個寶物我記得係十字架黎, 係有個防護網維持幾十秒.  第五個寶物係你隻腳踏在敵人身上可以令對方死.  

每過完一版, 就會入到去一個好似密室既地方, 加分.


第二隻game 我估大約80-84年出,  一開始個男主角(藍色衫褲)同個女仔一齊, 但比壞人擄走左,  然後就一路由左向右走, 一個制係出拳, 一個制係飛腿, 打打下可以救一個男仔(同自己一樣樣 不過係紅色), 跟住就可以連埋個紅色男仔一齊控制埋(同時控制2個人),  我記得會有人掉玻璃樽落黎, 你可以一拳打出去, 個玻璃樽就會向橫咁飛...



唔知有無d 大約30-35歲既朋友有打過呢??