好開心呀!經過咗個多月終於完成咗按揭同埋裝修嘅格價，按揭已經比全統按揭及Hi-B同OR 煩死我，同埋由無優惠變成有優惠。
而裝修都用咗成個幾月格價及各裝修公司的實地裝修視察，睇吓佢地手工同埋用料，終於都找到一間合心水，雖則價錢不是最平，但係經過咁多間格價就只有這間令我最有FEEL同信心，因為佢報價真係最快，大約比呎吋佢唔駛上樓都可以報到大約價比我，到約埋上樓度呎報價都係一樣，價錢最貴同最平報價比我都差成二十萬，呢間啲工好企理，同埋講到裝修期必準，因為裝修師傅係長工請回來，不會外盤，公司一個月接了指定單量就會cut單，因為以前唔cut單成日遲交貨攪到做得唔好無refer重衰，我見佢都可以比幾個實地單位我睇，佢真係算最多， 起初以為佢做親個個工程都咁豪裝實好貴，點知都ok喎。
回想起有啲裝修公司比埋呎吋佢報1300呎，等咗成個星期都報唔到重要追，佢話好多報價報唔切(唔知係咪真係咁好生意)，追到報價表又比個950呎報價我等我自己計。唉!
另一間重誇張報價成四十幾萬重勁多野唔包，磚、潔具、換鋁窗、搭棚 。

ANYWAY 等我影相POST出嚟同大家分享，不過可能會慢啲，因為我先要學識POST相先得，另外要多謝係到之前介紹野比我的樓主。
依家真係越SEARCH平野又好野越興奮!
大家等我喇!

Congratulations, waiting for your photo..