我同我男友（宜家應該係我個ex）一齊左兩年幾…08十月開始long-d，未離開香港之前佢同我講話好有信心等我返香港。點知分開左唔夠一個月就頻頻哎交，十一月果陣佢提出一個月冷靜期話需要多d空間。但係未夠一個月佢就打翻過來俾我話發覺自己真係好掛住我，好愛我；仲話知道佢hurt左我好多，要努力tum返我。當時我以為一切回復正常……聖誕節之前果個禮拜都仲收到佢寄過來o既聖誕禮物（我都有寄過去，仲收到佢媽媽email我話多謝添）。點知原來份聖誕禮物就係最後一次有佢消息…
自從聖誕節開始佢就唔覆email，唔聽電話，msn又見唔到佢online。直至十二月尾佢家姐無啦啦email我話好sorry聽到我同佢細佬分左手？！如果需要搵人傾可以打俾佢……唉，當時真係呆左……中間點覆佢家姐0的detail 唔多講啦。到後來成個月都無佢消息，過CNY佢都無聲氣我d friend都叫我死心。o岩o岩星期一，我個friend話我聽見到佢facebook寫住同xxx穩定交往中……而果個係佢個ex囉。佢未同我正式分手算唔算劈腿啊？同佢一齊果陣佢仲誓神劈願咁話一定唔會同翻佢個ex一齊，話咩佢已經同過第二個男人一齊，一定唔會要翻佢o咼。原來全部都係大話。
其實都唔知自己幾時先可以完全放低……不停咁為佢諗藉口覺得佢可能有苦衷……但係睇來都係時候醒？
