唉... 真係貪字得個貧，話說我2月中買左部COMPAQ嘅CQ-60 NOTEBOOK去代替我果部已經陪左我三年嘅MACBOOK，點知一用就覺得出事啦!

首先佢嘅HDD聲超大，個摩打嘈到完全做唔到野，當然小弟我係夜深時分先開工嘅，但係佢實在嘈得太誇張，熄機果下HDD會發出類似電鑽嘅聲。我以為係HDD有問題走去整，點知佢地換左另一個牌子嘅HDD俾我，其實換左HDD之後D聲真係細聲左，不過我又發現第二個問題，就係有高頻電流聲。依個問題真係好難去捉摸，因為佢係時有時無，我只係知道唔插A/C會好D，不過我又俾佢果種刺耳嘅聲搞到人都癲，所以決定換機!

點知換過部機結果都係一樣，我真係唔明點解咁嘅品質都可以拎出黎賣。雖然個CS姐姐講得無錯部機真係正常用得，不過依個問題會搞到個人用唔到部機果下弊呢!

各位師兄如果用緊依部機而無我以上所講嘅問題，麻煩你通知聲我，等我明白自己係幾咁黑仔。如果你地都有以上情況，不如一齊走去搵HP傾下點解決好嗎?

等我POST埋條LINK俾你地參考

http://h10010.www1.hp.com/wwpc/h ... -89318-3837670.html