我個男人同我講啊
佢阿媽呢排好煩
成日係度講我同肚入面個bb
話我地唔好..
搞到我男人對我同佢既將來好冇信心
佢阿媽仲講到好肯定我地最後都係離婚收場...
我已經同我男人講過好多次...
"我好肯定唔會有呢d事發生係我身上囉.."
我話...我仲有個bb等住我照顧..
我唔為自己著想..都會為將來個bb諗啦...
難聽講句..:我選擇委屈自己!
講過好多次 佢始終都係冇信心...
佢阿媽仲直接對佢講到出口
話...:我一直都想你返大陸結婚, 大陸d女人有勤力又肯做家頭細務乜都掂,話香港d女仔完全唔得囉...
我即刻同我男人講..: 係啊 大陸d女人啊,嫁左落黎香港...有左錢~睇下佢仲肯唔肯同你捱...我屋企已經正正有個例子係度啦"
佢阿媽講我唔好 講我懶我都算...
而家連我肚入面個bb都講埋...咩意思啊..
佢都未出世...咩都冇做錯 都要咁講
又唔見佢話自己個仔 做咩要搞大人個肚?
我都同屋企人講左我有bb既事..
本來上星期日約雙方家長出黎傾啦..
點知 佢阿媽淆底囉...話唔得閒黎wo...
叫佢仔黎左睇下點先囉...
雖然佢個仔都係成人...
但係佢個仔話到事咩= =?
最後都係要同家長商量架啦...
結果上星期日冇約到出黎
變左約黎緊呢個星期日..
我有左呢件事好快傳到我d姑媽度..
佢地知道左~星期日佢地又要黎睇..齊齊商量wo....
我心諗..似講數多d= =
岩岩同左我男人講 我3個姑媽星期日都會出現...目的想佢地有個心理準備
佢同返佢阿媽講...佢阿媽話....
佢唔黎喇wo...
大佬啊...遲早都要見架啦...
我大左肚 唔傾擺酒都要傾註冊啦..
呢d野都唔拖得啦
佢要避到幾時..?
我男人仲要話....:佢唔黎我都冇辦法..唔通要我用槍指住佢要佢黎咩..?"
勁衰囉唔該...
一向唔中意我,話我唔好都算...
而家仲要唔俾面 唔識尊重人囉~
一味叫佢個仔飛左我
係我面前又唔見佢數我話我唔好..
再唔係成日用鄉下話同人講我
以為我仲未識聽
全部都假人假義
大佬啊...我肯同你個仔生bb肯同你個仔捱窮
佢應該執到啦...
