去歐洲前,個導遊講酒店無熱水,要自己帶熱水壺煲水,真的?即用電果隻.
另外,佢講而家去買LV,Gucci果d,無限住買幾多架,又係唔係呢請問?

"酒店無熱水,要自己帶熱水壺煲水"-->佢地D水唔使煲就飲得架, 不過我都住過廉價酒店有水煲比你沖咖啡. 是否需要水煲自己衡量; 旅行水煲100-200有交易, 但只可以煲一大杯水左右

唔想飲水喉水就只好去超市買礦泉水LA，我通常買樽大既放酒店房備用，一樽細既帶出街

好多平酒店無“熱開水”，沖涼熱水系有既，我自己會帶，因為我經常沖茶飲。

兩年前跟團去過意大利/瑞士/法國, 佢哋安排嘅酒店都係冇電水煲嘅, 所以荼會事先講明要飲熱水就要自己帶水煲. 嗰次為咗個TRIP專登買咗個TEFAL嘅電水煲, 大概500ML, 一煲夠沖杯麵+飲品. 如果呢兩個月去真係要買番個, 得嗰幾度吓吓飲凍水都幾甘!! "瘋宅"買應該兩舊樓下. 呢啲錢真係唔慳得. BTW, 歐洲啲自來水比較多MINERAL, 有腎病就要留意吓!! 不過我老婆話喺歐洲嗰十幾日塊面都滑啲, 好可能係佢啲水多MINERAL用嚟洗面有美容作用.

至於名店買嘢方面, 上次大鄉里出城, 都聽人講過話會限住你買幾多, 不過又冇啲咁嘅事, 好似LV咁, 家人+朋友託我買咗都成6-7件嘢, 我單拖買哂, 仲笑住問你仲有冇其他需要. 話時話, 真係有啲親愛嘅國內同胞會喺名店附近叫你幫佢買嘢. 應唔應承你自己決定. 溫馨提示: 好多名店都唔收CASH (EURO), 買嘢記得帶CREDIT CARD+PASSPORT, 臨離港前打去CARD CENTRE留個REMARK, 話佢知幾時喺邊個國家, 免得銀行懷疑點解無啦啦張CARD喺外國有人碌緊而打畀你CONFIRM時, 一係冇人聽, 一係要畀漫遊收費!!

溫馨提示: 好多名店都唔收CASH (EURO)

not really actually.
Just because they're lazy(if you buy a lot of high brand stuff in one shop),and so they've to check the currency to avoid of trouble(fake or illegal)

多謝大家既提示呢.
另外,大家又點睇拖鞋呢樣野,係唔係都係要自己帶呢.
仲有仲有,搞鬼地想問句,你地有無帶杯麵呢??haha......

自己帶番對拖鞋穩陣啲. 就算有都可能N個人著過, 咪攪!!  

杯麵呢吓嘢.... 隨量啦. 上次去帶咗4個其中3個遊完埠跟我哋一齊返香港. 有個團友臨返香港前仲叫我哋幫手食咁啲, 因為要SPARE番旅行喼啲位擺手信.

個人覺得反而啲貼身嘢好似毛巾/牙刷/RAZOR....就一定要帶.

各位兄弟,我想問下,咁你地有無拎d咩特別行裝呢?
我星期六出發,十萬個感激相告呢.

歐洲酒店基本上百無, 只有毛巾水杯...所以拖鞋不可不帶, 但上機就未必要帶埋, 長途機有棉襪提供
杯麵係一種習慣, 但我自己寧願買麵包夾凍肉食...無奈跟團住嘅酒店若然比較偏僻, 未必可以自由補給, 不妨多帶乾糧
跟團有自由活動時間, 事前最好準備自由活動行程, 好好善用時間
冬天出發可以帶暖壺囉, 衣著上應該注意歐洲室內會開暖氣, 鞋最好可以防滑.
行裝如果去自由行我會盡量少帶, 始終當地都會有得補給嘛