要擁有什麼經驗,學歷才做到???

係其他formu 抄過黎...
同大家分享下.

如果要做到事主所講的事項, 要擁有什麼經驗,學歷, 最小用幾多時間去完成??? 同時間公司規模又如何??


**********************************
這兩個月公司已栽掉8個IT人，人人都驚，唔知幾時到我，不過我對公司有好多貢獻，買機、Design network、起server、將mail、web services外判，又裝recover software還原軟件，令公司機少左好多user搞壞電腦及virus的問題，引入新會計software，幫公司慳左好多錢，令公司可以在經濟唔好的時候，栽減人手，我自問貢獻好大，我個老細唔識IT，咩都靠晒我，又話我幫得佢手，又話過年會加我人工，於是我好俾心機幫佢慳錢。

昨日收工，老細打內線Call我上去佢間房，我突如其來有種不詳的感覺.............

上到去，我問佢：「揾我咩事啊﹗Jackxxx」

佢咩都唔講，二話不說，在自己櫃桶內取出一封信，我當事嚇左一跳

跟住佢話：「公司要瘦身，唔好意思，你即刻執野走，Maria xxxxx 會睇住你執野。」

我即刻問：「點解要炒我，我幫公司做左好多野，無功都有勞，你叫我做既野我都做晒﹗」

我當時好激動，差o的喊左出來。

點知個衰人用好冷淡的語氣話：「你有做足野，我咪比足錢囉，已經補多7日比你，自己對下數，有問題打電話比會計部。」

我再問：「我為左公司做那麼多事情，無理由係我﹗」

個衰人話：「你想我點講，你已經無利用價值，依加可以走，o係咪想我o甘講，你做o甘多野公司好多謝你，但公司無欠你，依加你的工作己經做完，錢比足你，你重想點﹗你最後的工作就是自己走，幫公司慳埋呢一筆，細路女，唔該你唔好o甘唔成熟，這個世界唔o係你飛我就o系我飛你，你o係度sun都無用，快些揾工重實際。」

我知死ler都無用，於是執野走，為左幫公司慳錢，我得罪左唔少公司舊員工，昨晚佢地用好心涼的眼神望住我執野走...............


由今日開始，我決定做什麼工作都唔會o甘落力﹗

*****************************