過年前不幸俾公司炒左......原本人工都有萬幾蚊, 依家搵唔番老本行, 唯有做sales頂住先..但係得6-7k人工. 灰爆....原本老公份工一直都做得好地地有2萬蚊一個月, 老闆都對佢好好..我冇左份工之後, 本來諗住可以依賴下佢先, 佢都有叫我唔使担心個屋企重有佢頂住...但係...呢排佢唔知係咪俾鬼上身..日日日都嘈話唔想做份工, 我已經俾佢煩到爆炸..上個星期佢重突然同佢老細因為一個小問題炒大獲...佢重勁到用粗口鬧佢老細(其實件事大家都有唔啱)第二日佢真係遞信唔做, 我知道呢件事後直頭精神崩潰...晚晚都訓唔著,反反下工都會喊出黎....  
佢老闆娘都有勸佢唔好走, 加上佢知我為呢件事咁唔開心, 原本佢都應承左聽日同老闆娘講留番底.但係上星期六佢又發癲話老闆又鬧佢, 又嘈哂咁話一定要走...(我即時諗緊我有邊份工未俾老細鬧過 )
我為左呢件事真係就快痴線..我真係接受唔到係呢個時候兩公婆一齊失業...今日佢可以當好似冇事發生咁..但我個心已經好灰...死左一半..佢係呢個時候都可以自私到咁, 一d都唔顧大局..我成日都冇睬過佢....
點解我會嫁左俾一個41歲ge少爺仔但我又做唔到少奶奶?????????  

其實佢會唔會係壓力好大？金融海嘯之後世界各地有好多男人自殺，佢哋事業本來都算出色/好出色，但真係頂唔順d壓力，你同佢好好傾下，唔好預設立場，聽多d佢講，用心聆聽唔好講自己意見先

佢一唔做，你哋嘅經濟係唔係即刻陷入困景？
佢如果轉工，易唔易搵到另一份工？

如果妳老公明天死咗 或者唔要妳
這樣 無咗份工真是重要啲嗎
我覺得另一半比什么都重要 除非佢唔愛妳 咁妳一定要楂住啲錢啦
患難的時候 就是要妳的支持 因為佢已經支持唔到啦

越是在困境，人越是脆弱
所以有時未必人人都可以做出最有利的決定。的確你先生在經濟條件不穩定的情況下辭工不理智，但可能他承受好大的壓力同困擾呢？
他也許不是意志力好堅強的人，有時會逃避，但我想你做太太的應該是支持他。多鼓勵你老公，給他自信，慢慢搵一份新工。
關於用錢不善，我想是他不夠成熟。不如以後每個月處糧，都給你一部分做定額儲蓄，其餘的錢才可以用。如果41歲還理財不善，退休後的生活將會好難過。
你也不用太過憂慮，情緒唔穩定會影響工作同生活，甚至一時想不開，多同家人網友傾訴下，可能會好些~

其實佢會唔會係壓力好大？金融海嘯之後世界各地有好多男人自殺，佢哋事業本來都算出色/好出色，但真係頂唔順d壓力，你同佢好好傾下，唔好預設立場，聽多d佢講，用心聆聽唔好講自己意見先

佢一唔做，你哋嘅經濟係唔係即刻陷入困景？
佢如果轉工，易唔易搵到另一份工？

想八掛問聲,你地駛唔駛供樓?供車或者養小朋友呀?

如果一個家庭將面臨崩潰的時候,無論是那一個人都不該只顧自己
但每個人都有自己本來的性格,不是三言兩語就能讓對方明白
這個世界的確好現實,貧賤夫妻百事哀;更有不少夫妻因金錢而分開

有錢可以買到一間屋,但不能買到一個家
有錢可以買到一個情人,但不能買到真摰的愛

錢的確可以解決好多問題,但有錢都解決不到的........才是真正的問題

一個人是否對一個家有承擔?
這個家是否有愛?
是否每個人都有盡自己責任?
是否都能關心,包容,體諒大家?
如果一個只能經得起順境,而經不起逆境......這個家還算是一個家嗎?