隔了好久沒有去長洲了，所以今日去食左好多野，當中介紹兩樣我認為很好吃的： （我回家後至醒起未將照片格式放大，所以圖片較細，敬請見諒）
其中一間係碼頭一出向前行有個大廣場，就係廣場左手面，佢D餃子雞翼真係好好味，而且只係賣$5，好平。仲有其他野食都係$5左右，例如醬汁雞扒，好好味，都係賣$5。不過佢好早就關門，有心食既人下午就要去架啦。 (我8:00PM去已經關左門......)
另一間就係碼頭向右行，係街市(即係圖書館)方向再行入D，就會見到呢間舖。今日行行下見到佢(個撻)幾得意，就間老闆娘係乜野黎，個老闆娘就話：「呢個叫『 巴黎撻蛋糕
』，(唔係『 巴黎蛋糕撻』)，呢個已經係好多年前至有既，起碼50歲以上既人至識得佢係乜黎。」我阿爸都有D印象 (當然佢未有50歲啦...)，話呢個撻真係
幾乎全香港都冇幾多間仲會有得賣。講得咁新奇，我立即買左個黎試，$4一個。佢既感覺好似係 蛋撻 同 蛋糕 二合為一既感覺，將蛋撻入面既蛋心，轉為蛋糕，加上焦糖係面同個底。真係幾好味。之後我買多左半打番屋企，之後發覺用個微波爐叮一陣至食，D焦糖熔番少少，熱食更好味。
「巴黎撻蛋糕」個名我地一開始聽，都唔知係「巴黎撻蛋糕」定「巴黎蛋糕撻」 ，為左個名我同阿爸都講左好耐，佢話因為個撻係個底部，所以叫「巴黎蛋糕撻」可能更貼切......最後第三次問個老闆娘至肯定叫「巴黎撻蛋糕」。
隻雞翼如幾位回應人士的介紹，係雞骨起骨至讓o的餃子既涵入去o的皮入面，不過我食落冇油炸既感覺，應該係燒/煎既，燒汁味，味道好正。
