我想問下, 其實為咩野要結婚?

我年紀唔係細, 都接近3字頭, 眼見好多朋友呢個年紀都開始結婚
就問下男朋友, 幾時結婚, 問題就黎啦....

儲筆錢擺酒應該唔難, 一向都有儲開一筆少少地既錢
但住屋問題就麻煩啦...bf阿媽有層樓, bf認為有樓做咩要去另一度住, 咁大部份既女仔當然唔想同奶奶住啦, 我都唔想, 況且佢阿媽唔係易相處既人...就話不如租屋, 佢又話租屋戇居~ 咁辛苦做咩~
其實兩公婆, 夾埋搵3萬銀, 要租屋, 維繫一個家, 係唔係無可能呢?

另外就係生仔既問題, 依家會結婚既人, 某程度上係想生仔先會結。 bf唔鐘意生仔, 加上佢家族生既下一代有問題, 佢就覺得唔好生。 自問我都有少少想生架~ 唔通要借種生?